توم لەففلەر: گولوۆكيننىڭ كوتتومەن جەكپە-جەگى قىزىقتى وقيعا بولار ەدى
«مەنىڭ تۇسىنۋىمشە، ولار كوتتو ءۇشىن كەزەكتى قارسىلاستى تابا الماي وتىر. ەگەر قانداي دا ءبىر ۇسىنىس بولسا، ءبىز ونى قارايمىز. ال ەگەر بولماسا، ءبىز بىرەۋلەردى گولوۆكينگە قارسى رينگكە شىعۋعا ماجبۇرلەي المايمىز»، - دەپ اتاپ ءوتتى لەففلەر.
سونداي-اق توم لەففلەر گولوۆكين-كوتتو جەكپە-جەگى كوپ ساتىلاتىن ۇرىس بولار ەدى دەگەن پايىمىن ءبىلدىردى.
«گولوۆكيننىڭ كومانداسىنداعىلار ميگەل كوتتوعا جانە ونىڭ جەتىستىكتەرىنە قۇرمەتپەن قارايدى. ونىڭ ۇزدىك ورتا سالماقتاعى سەرحيو مارتينەستى جەڭۋى باسەكەگە قابىلەتتىلىگىن كورسەتەدى. Madison Square Garden- نىڭ بارلىق بيلەتتەرىنىڭ تولىق ساتىلىپ كەتۋى وسىنى ايعاقتايدى. ونىڭ ۇستىنە گولوۆكيننىڭ وتكەن سەنبىدەگى جەكپە-جەگىن قوسىڭىز. سونى ەسكەرە كەلگەندە، ولاردىڭ جەكپە-جەگى وتە قىزىقتى وقيعا بولار ەدى»، - دەپ قوستى K2 Promotions باسشىسى.
