استانالىق كاسىپكەرلەردىڭ ميلليوندىق گرانتتار ۇتىپ الۋىنا مۇمكىندىك بار
«كونكۋرستىڭ ماقساتى - ينۆەستيتسيالاۋ، جاڭا بيزنەس-يدەيالاردى قولداۋ جانە جۇزەگە اسىرۋ ارقىلى جاستار كاسىپكەرلىگىن دامىتۋعا جاعداي تۋعىزۋ، قازاقستان كاسىپكەرلەرىنىڭ جاڭا ۇرپاعىن قالىپتاستىرۋ بولماق»، - دەلىنگەن استانا قالاسى كاسىپكەرلەر پالاتاسى باسپا ءسوز قىزمەتىنىڭ حابارلاماسىندا.
الماتىدا وتەتىن كونكۋرسقا 18-29 جاس ارالىعىنداعى جۇمىسىن جاڭادان باستاعان كاسىپكەرلەر قاتىسا الادى. وتىنىمدەر www.bp-kaz.kz سايتىندا قابىلدانادى.
وتىنىمدەردى زەردەلەي وتىرىپ، قازىلار القاسى فينالعا شىققانداردى انىقتايدى جانە كەزدەسۋگە شاقىرادى. كونكۋرستىڭ ەكىنشى كەزەڭىنىڭ سوڭىندا فينالدىڭ ءۇش قاتىسۋشىسى ىرىكتەلەدى. ولارعا الماتىعا كونكۋرسقا جولداما بەرىلەدى، وندا جاس كاسىپكەرلەر اپتالىق وقىتۋدان وتەدى.
«بيزنەس سەرپىن» كونكۋرسىنىڭ قورىتىندىسىمەن ءۇش جەڭىمپاز 5500000 تەڭگە، 2700000 تەڭگە جانە 1300000 تەڭگە مولشەرىندە قايتارىمسىز گرانتتارعا يە بولادى.
