يسپان فيزيگى ءتۇسىن وزگەرتەتىن بالمۇزداق ويلاپ تاپتى

استانا. قازاقپارات - يسپاندىق فيزيك ءارى ينجەنەر مانۋەل لينارەس ءتۇسىن وزگەرتەتىن بالمۇزداق ويلاپ تاپتى.

ونىڭ ءتۇسى جەگەن سايىن وزگەرىپ وتىرادى دەپ حابارلايدى The Huffington Post. بالمۇزداقتىڭ باستاپقى ءتۇسى كوگىلدىر. جەي كەلە ول القىزىل تۇسكە، سوڭىندا كۇلگىن تۇسكە وزگەرەدى.

لينارەستىڭ ايتۋىنشا، ءتاتتى تاعامنىڭ قۇرامىندا ەشقانداي حيميكات جوق، بارلىعى تابيعي يننريديەنتتەر.

بالمۇزداقتىڭ ءتۇسى ادامنىڭ تىلىنە تيگەن كەزدە وزگەرەدى. ياعني، سىلەكەيمەن ارالاسقان ساتتە ول اقىرىن وزگە تۇسكە بويالىپ وتىرادى. حامەلەون-بالمۇزداقتى ويلاپ تابۋعا عالىمنىڭ 1 اپتا ۋاقىتى كەتتى. ونىڭ ءدامى بولسا ءتۇرلى جەمىستەردىڭ قوسپاسىنىڭ دامىندەي.

مانۋەل لينارەس بالمۇزداقتى وزگەرتكەن جالعىز عالىم ەمەس. بۇعان دەيىن بريتاندىق چارلي گارري فرەنسيس جارىق ساۋلە بولەتىن، قۇرامىندا ۆياگراسى بار جانە سۇيىق ازوتتان بالمۇزداق جاساپ شىعارعان بولاتىن.

Baq.kz