مايكل دجەكسوننىڭ ءۇيىن ساتىپ الۋعا كىمنىڭ قاۋقارى جەتەدى؟

  استانا.قازاقپارات - مايكل دجەكسوننىڭ قايتىس بولعانىنا 5 جىل وتسە دە، تۋىسقاندارى مەن پروديۋسەرلەرىنىڭ، بالالارىنىڭ اراسىندا دۇنيە- مۇلىكتى تەڭدەي ءبولىسۋ ماسەلەسى تولاستار ەمەس.

 جاقىن كۇندەردىڭ بىرىندە جۇلدىزدىڭ سانتا- باربارا قالاسىنداعى ايگىلى ءۇيى ساتىلىمعا شىقتى. پوپ جۇلدىزدىڭ «Neverland Ranch» اتتى رەزيدەنتسياسى ءدال ءقازىر 60 ميلليون ا ق ش دوللارىنا باعالانۋدا. باعاسى بۇدان كەيىن دە وسەتىنى انىق.

مايكل دجەكسون اتالعان ۇيدە 1988-2005 - جىلدار ارالىعىندا ءومىر سۇرگەن. جانىنا جايلىلىق سىيلار ءۇيىنىڭ اتاۋىن ءوزى بالا كەزىندە ءسۇيىپ وقىعان پيتەر پەننىڭ تاريحىنا سايكەس قويعان. جۇلدىزدىڭ ولىمىنەن كەيىن ءۇي «Colony Capital LLC» مۇلىكتى رەتتەۋ اگەنتتىگىنىڭ قۇزىرىنا بەرىلىپ، جوندەۋ جۇمىستارى بىتكەن سوڭ ساتىلىمعا شىققان. ازىرگە اتاقتى جۇلدىزدىڭ ءۇيىن يەلەنگىسى كەلىپ جۇرگەندەردىڭ ءتىزىمى جاريالانعان جوق. ءبىراق ونى گولليۆۋد جۇلدىزدارىنىڭ ءبىرى يەمدەنۋى مۇمكىن دەگەن سىبىس بار.

 

دايىنداعان: قارلىعا بۇيەنباي

massaget.kz