سەنات دەپۋتاتتىعىنا كانديداتتاردى سايلاۋدان شەتتەتەتىن ماسەلەلەردى اتادى
«جالپى سەنات دەپۋتاتتارىن سايلاۋ ناۋقانى كانديداتتاردى ۇسىنۋ، ولاردى تىركەۋ، ۇگىت- ناسيحات جۇمىستارى، سوسىن داۋىس بەرۋ سەكىلدى ۇدەرىستەردەن تۇرادى. ال وسى پروتسەستەردىڭ كەز كەلگەن ساتىسىندا كانديداتتار تاراپىنان زاڭ بۇزۋشىلىقتار ورىن السا، ولار سايلاۋدان شەتتەتىلەدى. ماسەلەن، كانديداتتاردى ۇسىنۋ بارىسىندا ەرەجەلەر، نورمالار بۇزىلۋى ىقتيمال، كانديداتتىڭ كونستيتۋتسياعا، كونستيتۋتسيالىق زاڭدارعا سايكەس كەلمەۋى دە مۇمكىن. ال كانديداتتاردى تىركەۋ بارىسىندا تابىس پەن مۇلكىنە قاتىستى اقپاراتتار تولىق نەمەسە جەتكىلىكسىز بەرىلسە، ولاردى تىركەۋدەن باس تارتىلادى» ، - دەدى ب. مەلدەشوۆ.
ونىڭ سوزىنە قاراعاندا، ءماسليحاتتاردىڭ وزدەرى كانديداتتاردى سايلاۋعا تۇسۋگە ۇسىنىپ، كەيىننەن ولاردى قايتادان شاقىرتىپ جاتادى. ۇگىت- ناسيحات كەزەڭىندە دە زاڭ بۇزشۋلىقتار ءجيى ورىن الۋى ىقتيمال. سونىمەن قاتار، سايلاۋعا تۇسەتىن كانديداتتىڭ سايلاۋالدى باعدارلاماسىنا دا باسا ءمان بەرگەن ماڭىزدى. «سوت ارقىلى ءماسليحات دەپۋتاتتارىن پاراعا جىعۋ فاكتىلەرى انىقتالسا، سايلاۋالدى ۇگىتىندە باسقا كانديداتتتىڭ ار- نامىسىنا، ىسكەرلىك بەدەل ابىرويىنا نۇقسان كەلتىرەتىن ارەكەتتەرگە بارسا، بۇلاردىڭ ءبارى سول كانديداتتىڭ سايلاۋدان شەتتەتىلۋىنە سەبەپ بولادى. جالپى، سەنات دەپۋتاتتىعىنا كانديداتتار زاڭناما نورمالارىنا قايشى ارەكەتتەرگە بارىپ جاتسا، ولار تىركەۋدەن الىنىپ، سايلاۋدان تىس قالادى» ، - دەدى ب. مەلدەشوۆ.
اۆتور: قانات مامەتقازى ۇلى
