ءسابينا التىنبەكوۆا: قازاقستاندا قىزداردىڭ ءبارى ادەمى
سونىمەن بىرگە، ول قازاقستاندا قىزداردىڭ ءبارىنىڭ سۇلۋ ەكەنىن مالىمدەدى.
Tengrinews TV- گە بەرگەن سۇحباتىندا سپورتشى مودەل بيزنەسىنە كەتۋدى ارماندامايتىنىن اشىپ ايتتى. ول ۆولەيبول قۇراماسى ساپىندا ويناي بەرۋدى جانە ەل ۆولەيبولىنىڭ دەڭگەيىن كوتەرۋدى قالايدى. ءسابينا ءوز تابىنۋشىلارىنا كوڭىل اۋدارماۋدى ۇيعارعان. ول وزىنە نە سەبەپتى قىزىعۋشىلىقتىڭ ارتىپ كەتكەنىن تۇسىنە الار ەمەس. قىز «قازاقستاندا قىزداردىڭ ءبارى سۇلۋ، ءبارى ادەمى» دەپ جاۋاپ بەردى.
17 جاستاعى ءسابينا التىنبەكوۆانىڭ تايپەيدە ۆولەيبولدان وتكەن ازيا چەمپيوناتىنان سوڭ تانىمال بولعانىن ەسكە سالامىز. قىتاي جانكۇيەرلەرى مەن اقپارات قۇرالدارى جاپون انيمەسى كەيىپكەرىنەن اۋمايتىن قىزدىڭ جۇرت نازارىن بىردەن وزىنە اۋداراتىنىن جارىسا ايتتى. ونىڭ الەۋمەتتىك جەلىدەگى وقىرماندارىنىڭ قاتارى ءا دەگەننەن 200 مىڭ ادامنان اسىپ كەتتى.
التىنبەكوۆانىڭ كەلبەتى جايلى قازىر امەريكالىق بۇقارالىق اقپارات قۇرالدارى دا جازىپ جاتىر. Huff Post باسىلىمى قىزدىڭ تانىمالدىعى ونىڭ سپورتپەن اينالىسۋىنا كەدەرگى كەلتىرەدى دەپ جازدى. باسىلىم قىزدىڭ شامادان تىس ادەمى ەكەنىن اتاپ ءوتتى.
tengrinews
