وتىنىشتەرى مەن شاعىمدارىن ونلاين تۇرىندە بىلدىرگەن كاسىپكەرلەردىڭ قۇپيالىلىعى ساقتالادى - ۇ ك پ

استانا. قازاقپارات - ۇلتتىق كاسىپكەرلەر پالاتاسى بيزنەس يەلەرىنىڭ وتىنىشتەرى مەن ارىزدارىن ونلاين رەجيمدە قابىلدايدى.

بيزنەس- قاۋىمداستىق ساراپشىلارى بيزنەسكە قاتىستى بارلىق باعىتتاعى ساۋالدارعا جاۋاپ بەرەدى. بيزنەسمەندەردىڭ قۇقىنا نۇقسان كەلتىرۋ دەرەكتەرى جايلى شاعىمداردى تىركەپ، قىزمەت كورسەتۋ ساپاسىن جاقسارتۋ تۋرالى ۇسىنىستاردى قابىلدايدى، دەپ حابارلايدى ۇ ك پ باسپا ءسوز قىزمەتىنەن.

قازىرگى تەحنولوگيانىڭ دامىعان زامانىندا قاعازباستىلىقتان ارىلىپ، ءوتىنىش- ارىزدى ونلاين رەجيمدە بەرۋدىڭ پايداسى زور. ۆەدومستۆودان حابارلاعانداي، كەيبىر كاسىپكەرلەر وزدەرى كەلىپ، جازباشا ءوتىنىش قالدىرادى ەكەن. كەيبىرى 59-79-60 بايلانىس نومىرىنە حابارلاسىپ، انىقتاما الادى.

«ءبىراق مەن ەڭ ءتيىمدىسى ەلەكتروندى تۇردە ءوتىنىش قالدىرۋ ەكەنىن ايتقىم كەلەدى. بىرىنشىدەن، ازاماتتار ۋاقىتتان ۇتادى. كاسىپكەرلەر ءوز جۇمىس ورنىندا وتىرىپ-اق ءوتىنىش- ارىزدارىن جولداي الادى. ەكىنشىدەن، ەڭ باستى ارتىقشىلىعى - QR كود ارقىلى ءوتىنىشىڭىزدىڭ قارالۋ ۇدەرىسىن، قانداي دەڭگەيدە ورىندالىپ جاتقانىن وتىز كۇن بويى كۇتپەي-اق كۇن سايىن باقىلاپ وتىرۋعا بولادى. ول ءۇشىن www.palata.kz سايتىنداعى وتىنىشتەر مەن ماسەلەلەر تىزىلىمىنە ەنىپ، جەكە كود ارقىلى ءوزىڭىز جولداعان ءوتىنىش پاراعىنا كىرۋ كەرەك. ءۇشىنشى ارتىقشىلىق - قۇپيالىلىق ءپرينتسيپى. كىمنىڭ، قانداي ءوتىنىش بەرگەنى تۋرالى اقپارات قاتاڭ قۇپيالىلىقتا ساقتالادى»، - دەيدى ۇ ك پ بايلانىس ورتالىعىنىڭ ديرەكتورى جانات سەرىكبايەۆا.