اقكول زاماناۋي حالىقارالىق كۋرورتى قالاعا اينالادى
قازىرگى تاڭدا اقكولدە ستاديوندى، سپورتتىق الاڭدار مەن وزگە دە دەمالىس نىساندارىن كۇردەلى جوندەۋ جۇمىستارى اياقتالدى. سونداي-اق ەكى قوناقءۇي مەن باسقا دا الەۋمەتتىك نىسانداردىڭ قۇرىلىسى ءجۇرىپ جاتىر.
2015- جىلى قالاداعى 8 ەتنومادەني بىرلەستىككە ارناپ دوستىق ءۇيىن سالۋ جانە زاماناۋي امفيتەاتردىڭ قۇرىلىسىن باستاۋ جوسپارلانعان.
ەستەرىڭىزگە سالا كەتەيىك، اقمولا وبلىسىندا ورنالاسقان اقكولدى زاماناۋي حالىقارالىق كۋرورتتى قالاعا اينالدىرۋ يدەياسىن «تۇراقتى دامۋ» جەر قورىنىڭ پرەزيدەنتى الان بەسەن ۇسىنعان بولاتىن. تۋريستىك يندۋستريانىڭ جاڭا سەرپىنمەن دامۋىنا نەگىز بولعان «وركەندەۋ» جوباسىندا اقكولدىڭ باي تابيعات رەسۋرستارىن، كليماتتىق ەرەكشەلىكتەرى مەن ترانزيتتىك تاسىمالداۋدى جۇزەگە اسىرۋ ءۇشىن قولايلى ورنالاسۋىن تولىققاندى ءارى جان-جاقتى پايدالانۋ سىندى بىرنەشە ارتىقشىلىقتارى ەسكەرىلدى.
