08:40, 01 - تامىز 2014 | GMT +5
ەۋروپاداعى ەڭ كورىكتى ەر ادامدار بەلگىلى بولدى
استانا. قازاقپارات - تۋريستىك پورتال ەۋروپالىق ەلدەردىڭ ىشىنەن ەر ادامنىڭ سىرت كەلبەتىن باعالاۋعا قاتىستى ساۋالناما وتكىزدى. ەۋروپانىڭ 2 مىڭ تۇرعىندارى اراسىندا جۇرگىزىلگەن ساۋالناما ناتيجەسى بويىنشا ەڭ كورىكتى ەر ادام يتالياندىقتار بولىپ شىقتى. نازىك جاندىلاردىڭ 21 پايىزى ولاردى ءبىرىنشى ورىنعا شىعاردى.
بۇدان بۇرىن ايەلدەردىڭ تارتىمدىلىعى تۋرالى ساۋالنامادا دا وسىنداي ناتيجە كورسەتكەن. وسىلايشا، يتاليا دەمالىستى كۋرورتتىق رومانسىز ەلەستەتە المايتىندارعا تاپتىرمايتىن ەل بولماق.
ەكىنشى ورىندى 12 پايىز داۋىسپەن يسپانيانىڭ ەر ادامدارى الدى. ءۇشىنشى ورىندا سكانديناۆيالىقتار مەن تۇرىكتەر: بۇلار 9 پايىزدان داۋىس جينادى، دەپ حابارلادى Euromag.
گرەتسيا مەن پورتۋگاليا تۇرعىندارى 7 پايىز، فرانسۋزدار، بەلگيالىقتار 6 پايىزدان الدى. ال داۋىس بەرگەندەردىڭ 5 پايىزى بريتاندىقتار مەن اۆستريالىقتارعا بەردى.
