20:13, 31 - شىلدە 2014 | GMT +5
تۇرىك پرەمەرى ەۆرەي ناگراداسىنان باس تارتتى
استانا.قازاقپارات - تۇرىك ۇكىمەتىنىڭ باسشىسى رەدجەپ تايىپ ەردوعان 2004 - جىلى امەريكا ەۆرەي كونگرەسى اتىنان بەرىلگەن مەدالدى قايتارىپ بەرەتىن بولدى.
ونىڭ بۇل قادامى سوڭعى ۋاقىتتارى شيەلەنىسىپ كەتكەن تۇرىك-ەۆرەي قاتىناسىنا قاتىستى بولسا كەرەك.
شەتەلدىك اقپارات كوزدەرىنىڭ جازۋىنشا، تۇرىك ەلىندەگى ەۆرەي ۇلتىن قولداعانى جانە الەمدىك لاڭكەستىككە قارسى كۇرەستە تاباندىلىق تانىتقانى ءۇشىن وسىدان 10 جىل ۋاقىت بۇرىن تايىپ ەردوعان «ەرلىگى ءۇشىن» مەدالىمەن مارپاتتالعان ەكەن. الايدا، سوڭعى كەزدەرى ورىن العان وقيعالارعا بايلانىستى، اتاپ ايتساق، گازا سەكتورىنا جاسالعان شابۋىلعا قاتىستى تۇرىك پرەمەرى جاساعان مالىمدەمەدەن سوڭ امەريكا ەۆرەي كونگرەسى مەدالدى قايتا قايتارۋدى تالاپ ەتىپ وتىر.
ءوز كەزەگىندە ەردوعان رەسمي تۇردە مەدالدى قۋانا-قۋانا قايتاراتىنىن جەتكىزدى.
