ەلىمىزدە جاستاردىڭ كۋرورتتى قالاسى سالىنادى
قور وكىلدەرىنىڭ ايتۋىنشا، اقمولا وبلىسىنداعى اقكول قالاسى 2017 - جىلعا قاراي كۋرورتتى قالا مارتەبەسىنە يە بولۋى مۇمكىن. "اقكول قالاسىنىڭ اكىمدىگى بىزگە جەر بەرىپ وتىر، ءبىزدى وبلىس اكىمدىگى دە قولدايدى، ءبىز تانىستىرىلىمىن جاسادىق. ءبىز قالامەن تانىستىق.
قازىرگى ۋاقىتتا اقكول قالاسىنداعى ەكى كولدى تازارتۋ ماسەلەسىن زەرتتەپ جاتىرمىز، كولدەردى ءبىز تازالايتىن بولامىز. ءبىز كەلەر جىلدىڭ كوكتەمىنە قاراي جۇمىسقا رەسمي تۇردە كىرىسەمىز، سول كەزدە قۇرىلىس باستالادى"، - دەدى Tengrinews.kz كە سۇحبات بەرگەن "تۇراقتى دامۋ" جەر قورىنىڭ پرەزيدەنتى الان بەسەن.
2015 - جىلعا قاراي اقكولدە سەگىز ەتنومادەني بىرلەستىك ءۇشىن "دوستىق ءۇيىنىڭ"، سونىمەن بىرگە، الەمنىڭ سيمفونيالىق وركەسترلەرى ونەر كورسەتە الاتىن قازىرگى زامانعى امفيتەاتردىڭ قۇرىلىسى جوسپارلانىپ وتىر.
"قالا قوناقتارى مەن تۋريستەر جاڭارتىلعان ينفراقۇرىلىمدى، اعىلشىن جانە نەمىس ساۋلەتشىلەرى جوسپارلاعان گۇلزار مەن كول جاعالاۋىن تاماشالاي الادى. شىن مانىندە، مۇندا قوناق ۇيلەر جەلىسىنەن باستاپ، مادەني-ساۋىقتىق، سپورتتىق، كونگرەسس-كورمە نىساندارىنا دەيىنگى جاڭا عيماراتتارمەن تولىعاتىن قازىرگى زامانعى كۋرورت كلاستەرى قالىپتاسادى"، - دەيدى يدەيا اۆتورى الان بەسەن.
ونىڭ ايتۋىنشا، اقكولگە EXPO-2017 حالىقارالىق كورمەسىنىڭ مەيماندارى كەلەتىن بولادى.
قازىرگى ۋاقىتتا اقكول قالاسىنىڭ بيلىگى جەرگىلىكتى ستاديوندى، سپورت الاڭدارى مەن باسقا دا دەمالىس ورىندارىن كۇردەلى جوندەۋدەن وتكىزدى. ەكى قوناق ءۇي مەن باسقا دا الەۋمەتتىك نىسانداردىڭ قۇرىلىسى باستالدى. الان بەسەن جوبانىڭ قۇنىن جاريا ەتكەن جوق.
Baq.kz
