استانا اۆتوبۋستارى تەگىن ۆاي-فايمەن جاراقتالۋدا
بۇگىنگى ۋاقىتتا تەگىن WI- FI تەك 12 اۆتوبۋستا ورناتىلدى.
بولاشاقتا ولاردىڭ سانىن ەداۋىر كوبەيتۋ جوسپارلانۋدا.
«ءبىزدىڭ جوبا قوعامدىق كولىكتىڭ ىڭعايلىلىعىن جانە جايلىلىعىن جوعارىلاتۋعا ۇلكەن سەپتىگىن تيگىزەدى. بۇل باستاما « Smartاستانا» اتتى ءىرى جوبانىڭ ءبىر بولشەگى. ول ەلوردالىقتارعا جانە قالا قوناقتارىنا كەڭجولاقتى ينتەرنەتتى قولجەتىمدى ەتۋگە باعىتتالىپ وتىر»، - دەيدى « Smart استانا» دەپارتامەنتىنىڭ باس مەنەدجەرى ايبەك سادىقوۆ.
جوبا اۆتورلارىنىڭ سوزىنە قاراعاندا، ۆاي-فايدىڭ جىلدامدىعى سەكۋندىنا 25 مبيت جانە ودان جوعارى. ەندى اۆتوبۋستاعى جولاۋشىلار ۋاقىتتارىن بوس وتكىزبەي، الەۋمەتتىك جەلىلەرگە كىرىپ، ونلاين كىتاپتاردى وقىپ وتىرا الادى. ازىرگە مەديافايلدار كوپ جۇكتەلەدى. الايدا جاساقتاۋشىلار ينتەرنەتتىڭ جىلدامدىعىن جوعارىلاتاتىندىقتارىن ايتۋدا.
«ءبىز كۇنىنە قانشا پايدالانۋشى بولعانىن ساناپ، ستاتيستيكانى جاساپ وتىرامىز. ءاربىر پايدالانۋشى قانشا ترافيك قولداندى، قانداي قۇرىلعى قولداندى - Android نەمەسە iOS. اۆتوبۋستارداعى ينتەرنەت - تەگىن. دەگەنمەن پايدالانعاندا ءار جارتى ساعاتتا 15 سەكۋتتىق جارناما كورسەتىلەدى»، - دەيدى جوبا جاساقتاۋشىسى تورەعازى ءابدىقۇلوۆ.
اۆتور: جاسۇلان جولدىبايەۆ
