قازاقستاننان قوي ەتى يرانعا، ءجۇنى يتالياعا ەكسپورتتالادى

استانا. قازاقپارات - قازاقستاننان قوي ەتى يرانعا، ءجۇنى يتالياعا ەكسپورتتالادى.

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە «قازاگرو» ۇلتتىق باسقارۋشى حولدينگى» اق باسقارما ءتوراعاسىنىڭ ورىنباسارى قايرات ايتۋعانوۆ ايتتى.

ءتوراعا ورىنباسارىنىڭ سوزىنە قاراعاندا، يرانعا كەلەسى ايدا 500 توننا قوي ەتىن ەكسپورتتاۋ كوزدەلىپ وتىر. «بۇل تۋرالى ارنايى شارت جاساعانبىز. قوي ەتى يرانعا ۇشاقپەن جەتكىزىلەدى. قازىر ءبىزدىڭ شىعارىپ جاتقان ونىمدەرىمىزگە سۇرانىس ارتىپ كەلەدى، سوندىقتان الداعى ۋاقىتتا شەتەلگە شىعارىلاتىن اۋىل شارۋاشىلىعى ونىمدەرى كەڭەيە تۇسپەك» ، - دەدى قايرات ايتۋعانوۆ.

 ونىڭ سوزىنە قاراعاندا، حولدينگ قۇرامىنا كىرەتىن «قازاگروونىم» كومپانياسى ارقىلى قوي ءجۇنىن ەكسپورتتاۋ دا دۇرىس جولعا قويىلعان. «بۇگىنگى تاڭدا بەلارۋس تاراپىنان جۇنگە سۇرانىس بار. بۇدان بولەك، «قازاگروونىم» كومپانياسى ارقىلى يتالياعا اعىمداعى جىلى 500 توپس (جۇقا نەگىزدەگى قوي ءجۇنىنىڭ جارتىلاي فابريكاتى) شىعارىلاتىن بولادى» ، - دەيدى ق. ايتۋعانوۆ.

 

اۆتور: قانات مامەتقازى ۇلى