وباما ورازا ايتپەن قۇتتىقتاۋىندا بىلتىر ايتقان ءسوزىن قايتا قايتالادى
«الەم جانە امەريكا مۇسىلماندارىنىڭ ايت مەرەكەسىنە وراي، ءبىز ميشەل ەكەۋمىز ولارعا جانە ولاردىڭ وتباسىلارىنا ءوزىمىزدىڭ ىستىق لەبىزدەرىمىزدى ارنايمىز. بۇل اي رۋحاني ورلەۋ مەن ادامگەرشىلىكتىڭ، مۇقتاجدارعا قول ۇشىن سوزعان قايىرىمدىلىق ايى بولدى»، - دەلىنگەن اق ءۇي رەسمي سايتىندا.
«امەريكا قۇراما شتاتتارى اكىمشىلىگى اتىنان مۇسىلماندارعا تىنىشتىق پەن يگىلىك تىلەيمىز. ايت قۇتتى بولسىن!»، - دەپ قورىتىندىلانعان پرەزيدەنت قۇتتىقتاۋى. دەگەنمەن، ءۇتىر-نۇكتەسى وزگەرمەستەن بىلتىرعى ءماتىندى قايتا جاريالاعان وبامانىڭ قۇتتىقتاۋى ا ق ش مۇسىلماندارى تاراپىنان ىستىق ىقىلاسقا بولەنە قويمادى.
سونداي-اق، پرەزيدەنت اتىنان ۇيىمداستىرىلىعان اۋىزاشار داستارحانىندا قالاي قورلانعاندارىن ءالى ۇمىتار ەمەس.
ەستەرىڭىزگە سالا كەتەيىك، اۋىزاشار داستارحانىندا وباما يزرايل باسقىنشىلارىنىڭ پالەستيناعا جاساعان شابۋىل دۇرىس دەپ تانىپ، قولداۋ بىلدىرگەن بولاتىن.
muslim.kz
