نازاربايەۆتى الاڭداتقان قانداي ماسەلە؟
ەڭبەك دەمالىسىنان شىققان نۇرسۇلتان نازاربايەۆ بۇگىن اقورداعا پرەمەر-مينيستر كارىم ءماسىموۆ، پرەزيدەنت اكىمشىلىگىنىڭ باسشىسى نۇرلان نىعماتۋللين مەن كومەكشىسى ەربول ورىنبايەۆتى جيناپ سوڭعى 7 ايداعى ەلدىڭ الەۋمەتتىك ەكونوميكالىق دامۋ كورسەتكىشىن ءسوز ەتتى.
وسى جەردە ەلباسى ۋكرايناداعى قاقتىعىستىڭ قازاقستان ەكونوميكاسىنا اسەر ەتەتىنىن جانە جاعدايدىڭ وتە قيىن ەكەنىن جاسىرعان جوق.
ەكونوميكاسى رەسەيمەن بىتە قايناسقان قازاقستاندى، ەڭ جاقىن وداقتاس مەملەكەتكە سالىنىپ جاتقان سانكسيا الاڭداتىپ وتىر.
سوندىقتان الەمدەگى احۋالدى ەسكەرگەن مەملەكەت باسشىسى جاقىن ارادا پرەمەرگە ۇكىمەتتى تولىق قۇرامدا جيناۋدى تاپسىردى.
«ۇكىمەتتىڭ كەڭەيتىلگەن وتىرىسىندا قانداي ماسەلەلەردى تالقىلاپ قانداي ماسەلەلەردى شەشەتىن بولامىز اڭگىمە وسى جونىندە. ەكىنشى ماسەلە مىناۋ رەسەيمەن باتىستىڭ اراسىندا بولىپ جاتقان جاعداي. قازاقستاننىڭ پوزيتسياسى وسى ارادا قانداي بولاتىنىن قاراۋىمىز كەرەك»، - دەدى پرەزيدەنت.
