كىشى بۋش اكەسى جايىندا كىتاپ جازدى
«دجوردج گەربەرت ۋوكەر بۋش - ۇلى قىزمەتكەر، ساياساتكەر جانە اكە. ونىڭ ءومىر تاريحىن جازىپ شىعۋ ماعان ۇنادى جانە وقىرمانداردىڭ بارلىعىنا دا ونىڭ ۇنايتىندىعىنا ءۇمىت ارتامىن»، - دەدى كىشى دجوردج بۋش.
كىتاپتا 41- پرەزيدەنتتىڭ ءومىرى مەن قىزمەتتىك مانساپ جولى كەڭىنەن قامتىلعان. ءومىرباياندى جارىققا شىعاراتىن Crown باسپا ءۇيىنىڭ اقپاراتىنا قاراعاندا، كىتاپ 11 قاراشادا، ا ق ش-تاعى ارداگەرلەر كۇنىندە وقىرمان قولىنا تيەتىن بولادى. 300 بەتتىك كىتاپتىڭ العاشقى تارالىمى 1 ميلليون دانانى قۇرايدى، بۇعان قوسا اۋديوكىتابى دا جارىققا شىقپاق.
ۇلكەن دجوردج بۋش 1989-1993- جىلدارى ا ق ش پرەزيدەنتى بولعان ەدى. سونىمەن قاتار ول 1981-1989- جىلدارى رونالد رەيگان اكىمشىلىگىندە ۆيتسە-پرەزيدەنت بولعان. بۇگىندە ول پاركينسون اۋرۋىنا شالدىعىپ، مۇگەدەك ارباسىنا تاڭىلعان.
اۆتور: مارلان جيەمباي
