جاقسىلىق ۇشكەمپىروۆ تۋرالى فيلم تۇسىرىلەدى
فيلم كۇرەسشىنىڭ ومىرلىك مۇراعاتىنان، قۇجاتتى ماتەريالداردان جيناقتالادى. «فيلم ونىڭ قانداي ادام بولعانى جايلى سىر شەرتەدى. ءبىز جاقسىلىق ۇشكەمپىروۆپەن وسىدان ءبىر جىل بۇرىن تانىستىق. مەن وسى ۋاقىتقا دەيىن ول جايلى بىردە-ءبىر كينو تۇسىرىلمەگەنىن ءبىلدىم. ال ول وليمپيادا چەمپيونى بولعان العاشقى قازاق بالاسى. سوعان قاراماستان ول وتە قاراپايىم. ول بۇل اتاقتى ءوز ەڭبەگىنىڭ ارقاسىندا، ۇزدىكسىز جاتتىعۋلاردىڭ ارقاسىندا جەڭىپ الدى. ول ناعىز ەڭبەكقور، بيوروبوت دەپ ايتۋعا بولادى» دەيدى توقتار قارساقبايەۆ.
سونداي-اق رەجيسسەر اۆتوبيوگرافيالىق لەنتانىڭ ۇلى سپورتشىنى جاستارعا ۇلگى ەتۋگە نەگىزدەلگەنىن اتاپ ءوتتى. «تەك سپورتشى جاستار عانا ەمەس بۇكىل جاستار ونى ۇلگى تۇتسا دەيمىن. اللا پەندەگە قولدان كەلمەيتىن نارسەنى جۇكتەمەيدى، تەك بەرىلمەي قاجىرلى ەڭبەك ەتۋ قاجەت. العا ماقسات قويىپ، سوعان جەتە ءبىلۋ كەرەك. ول دا كوپتەگەن قيىندىقتارعا تاپ بولعان. 20 جاسىنان باستاپ سپورتپەن شۇعىلدانىپ، تىنىمسىز ەڭبەكتىڭ ارقاسىندا 29 جاسىندا وليمپيادا چەمپيونى بولدى» دەپ قارساقبايەۆ ءوز ويىمەن ءبولىستى.
ءتۇسىرىلىم قازاقستاننىڭ بارلىق ايماعىندا جۇرەدى. بىرنەشە كادر ۇشكەمپىروۆ وليمپيادا التىنىن جەڭىپ العان ماسكەۋدە تۇسىرىلەتىن بولادى. ءفيلمنىڭ پرەمەراسى جىل سوڭىندا وتاندىق تەلەارنالاردىڭ ءبىرىندى كورسەتىلەدى دەپ جوسپارلانىپ وتىرعان كورىنەدى.
Tengrinews.kz
