ا ق ش باسىلىمدارى: ءسابينا التىنبەكوۆا ۆولەيبول ويىنى ءۇشىن تىم ادەمى -فوتو
قىتايدا وتكەن 19 جاسقا دەيىنگى ايەلدەر اراسىنداعى ازيا چەمپيوناتىندا 17 جاسار ويىنشى قىز قىتايلىق جانكۇيەرلەردىڭ نازارىنا ىلىگىپ، ءتۋرنيردىڭ ەڭ ادەمى ويىنشىسى اتانعان. ءتىپتى، سابينانىڭ سۇلۋلىعىنا ءتانتى بولعاندار وعان سىيلىق جولداپ جاتىر. ال جاڭا شىققان جۇلدىزدىڭ الەۋمەتتىك جەلىدەگى وقىرماندارى 300 مىڭعا جۋىقتادى، دەپ حابارلايدى 31 -ارنا.
امەريكالىق ب ا ق -تاردىڭ پىكىرىنشە، ءسابينا ۆولەيبول ويىنى ءۇشىن تىم ادەمى، ءارى 17 جاسار سپورتشى قىزدىڭ مۇنداي سۇلۋلىعى وعان سپورتتا تابىسقا جەتۋىنە كەدەرگى كەلتىرەدى. ال ءسابينانىڭ ءوزى مۇنداي تانىمالدىقتى كۇتپەگەنىن ايتادى. ونىڭ بار ماقساتى - الەمدىك ارەنادا قازاقستاننىڭ نامىسىن قورعاپ، تۋىن جەلبىرەتۋ.
ۆولەيبولدان جاستار قۇراماسىنىڭ باپكەرى نۇرلان سادىقوۆ تا الەم جۇرتشىلىعىنىڭ سپورتشى قىزعا وسىنشالىقتى نازار اۋدارعانىن جاقتىرماي وتىر. ونىڭ پىكىرىنشە، بۇل قۇراماداعى وزگە ويىنشىلارعا زيانىن تيگىزەدى ەكەن.
