كولساي كولدەرى ۇلتتىق پاركىندە تۇڭعىش رەت بارىستار توبى فوتوكامەرا نازارىنا ىلىككەن

استانا. قازاقپارات - «كولساي كولدەرى» مەملەكەتتىك ۇلتتىق تابيعي پاركى اۋماعىنداعى جانۋارلاردى قاداعالايتىن اۆتوماتتى فوتوكامەرالاردىڭ وبەكتيۆتەرىنە تۇڭعىش رەت بارىستار توبى ءتۇسىپ قالعان.

بۇل جانۋارلار تەڭىز دەڭگەيىنەن 2600 مەتر بيىكتىكتە كىشى ورىكتى شاتقالىندا، ۇلتتىق پاركتىڭ قورىق رەجيمدى ايماعىندا تۇسىرىلگەن. سۋرەتكە بارىستىڭ انالىعى مەن ونىڭ بىلتىر تۋعان ەكى كۇشىگى - الاندار ءتۇسىپ قالعان.

فوتوكامەرا نىسانىنا سونداي-اق سول اۋماقتى مەكەن ەتەتىن باسقا دا اڭدار، اتاپ ايتقاندا تيان-شان قوڭىر ايۋى، تۇركىستان سىلەۋسىنى جانە بارىستىڭ نەگىزگى قورەگى بولىپ تابىلاتىن تاۋتەكە، مارال، ەلىك، قابان، قۇم قويانى ءتارىزدى جانۋارلار ىلىككەن.

بارىس ىزدەرى ۇلتتىق پاركتىڭ باسقا دا شاتقالدارىندا كەزدەسەدى، سوندىقتان ولاردىڭ اۋماقتارعا تارالۋى مەن ناقتى سانىن انىقتاۋ ءۇشىن فوتوكامەرالاردى قولدانۋ اۋماعى كەڭەيە تۇسپەك.

ايتا كەتەيىك، بارىستاردىڭ تىنىس-تىرشىلىگىن زەرتتەۋ ءىسى «كولساي كولدەرى» م ۇ ت پ- نىڭ ق ر ءبىلىم جانە عىلىم مينيسترلىگىنىڭ زوولوگيا ينستيتۋتىمەن عىلىمي ىنتىماقتاستىعى شەڭبەرىندە جۇزەگە اسىرىلۋدا، دەپ حابارلايدى ق ر قورشاعان ورتا جانە سۋ رەسۋرستارى مينيسترلىگىنىڭ باسپا ءسوز قىزمەتىنەن.