قازاقستاندىقتارعا جەكەشەلەندىرۋ تۋرالى اقپارات بەرەتىن «جەدەل جەلى» ىسكە قوسىلماق

استانا. قازاقپارات - الداعى ۋاقىتتا «سامۇرىق- قازىنا» ۇلتتىق ءال- اۋقات قورى» ا ق «جەدەل جەلىنى» ىسكە قوسۋدى جوسپارلاپ وتىر. بۇل تۋرالى قوردىڭ باسپا ءسوز قىزمەتىنەن حابارلاعان.

ەندى وسى ماسەلەگە قىزىعۋشىلىق تانىتقان كەز كەلگەن ازامات «جەدەل جەلى» نومىرىنە قوڭىراۋ شالىپ، جەكەشەلەندىرۋ جانە ساۋداعا قاتىسۋ ەرەجەلەرى مەن جەكەلەگەن اكتيۆتەر نەمەسە ساتىلىمعا قويىلعان قور نىساندارى تۋرالى اقپارات الا الادى.

ايتا كەتەيىك، قازىرگى تاڭدا ءبىرقاتار اكتيۆتەردى باعالاۋ جۇمىستارى اياقتالدى، ولاردىڭ كەيبىرەۋلەرى بويىنشا ارتقىشلىقپەن ساتىپ الۋ قۇقىقتارىن جۇزەگە اسىرۋ تۋرالى ەكىنشى قاتىسۋشىلاردىڭ (قۇرىلتايشىلاردىڭ) شەشىمدەرى كۇتىلۋدە. تامىز ايىندا ساۋداعا شىعارىلاتىن بارلىق اكتيۆتەردىڭ اقپاراتتىق ءتول قۇجاتى قوردىڭ جانە «سامۇرىق- قازىنا كونتراكت» ج ش س سايتتارىندا بار.

جەكەشەلەندىرۋ باعدارلاماسى اياسىندا قازىرگە دەيىن «م ز- سەكيۋريتي» ج ش س («قازاقستان ينجينيرينگ» ۇ ك» ا ق ۇلەسكەر كومپانياسى) مەن Ecomaster Servicii Ecologice SRL (« قازمۇنايگاز» ۇ ك» ا ق ۇلەسكەر ۇيىمى) كومپانياسىنان ەكى اكتيۆ ساتىلدى، دەپ جازادى strategy2050.kz.