03:02, 31 - شىلدە 2014 | GMT +5
تاراز بازارىندا بومبا ىزدەستىرىلدى
تاراز. قازاقپارات - تارازدا قالالىق «اۋىل-بەرەكە» كوتەرمە ازىق-تۇلىك بازارىنان جارىلعىش زات ىزدەستىرىلدى.
«اۋىل-بەرەكە» بازارى اۋماعىنا جارىلعىش زات قويىلعانى تۋرالى حابارلاما پوليتسيا بولىمىنە كۇندىزگى ساعات 12:00 دە كەلىپ ءتۇستى.
وقيعا ورنىنا جامبىل وبلىسىنىڭ ت ج م، ءى ءى د، پروكۋراتۋرا جانە باسقا دا قىزمەت وكىلدەرى كەلدى. بازاردان مىڭداعان قىزمەتكەرلەر مەن كەلۋشىلەر قاۋىپسىز جەرگە شىعارىلدى.
«جارىلعىش زات تۋرالى حابارلاما جالعان بولىپ شىقتى، اۋماقتان ەشتەڭە تابىلمادى. جارلىعىش زات تۋرالى حابارلاعان ادام ىزدەستىرىلۋدە»، - دەپ حابارلادى قازاقپارات تىلشىسىنە جامبىل وبلىسى ءى ءى د باسشىسىنىڭ ورىنباسارى قاليجان شوڭعاربايەۆ.
