جاسوسپىرىمدەر فۋتبول اكادەمياسىنا ت. سەگىزبايەۆتىڭ ەسىمى بەرىلەدى - فوتو
«ارلەۋ جۇمىستارى، سونىمەن بىرگە اۋماعىن اباتتاندىرۋ مەن كوگال توسەۋ جۇمىستارى اياقتالۋعا جاقىن. اكادەميا اۋماعىندا تابيعي جابىندى توسەلگەن ستاندارتتى كولەمدەگى 3 فۋتبول الاڭى بولادى. ۋلترا زاماناۋي ۇرلەمەلى شاتىرى بار فۋتبول مانەجىنىڭ قۇرىلىسى تولىعىمەن اياقتالعان. كەشەندە وقۋ سىنىبى، مەديتسينالىق كابينەتتەر، سونداي-اق كلۋب قىزمەتكەرلەرىنە ارنالعان كەڭسە بولادى»، - دەلىنگەن تاراتىلعان اقپاراتتا.
«قايرات» ف ك جاسسوپىرىمدەر اكادەمياسى جاس فۋتبولشىلار ءۇشىن ناعىز فۋتبول قالاشىعىنا اينالاتىن بولادى. تۇرعىن ءۇي كەشەنىنە قازاقستاننىڭ بارلىق وڭىرىنەن كەلگەن 150 وقۋشى سيادى.
«كلۋب ءۇشىن جانە الماتى قالاسى ءۇشىن ماڭىزدى سپورت كەشەنىنىڭ اشىلۋى قارساڭىندا ءبىز «قايرات» ف ك جاسوسپىرىمدەر اكادەمياسىنا تيمۋر سەگىزبايەۆتىڭ ەسىمى بەرىلەتىن زور قۋانىشپەن حابارلايمىز»، - دەلىنگەن كلۋب اقپاراتىندا.
«قايرات» ف ك دەلەگاتسياسى تيمۋر سانجار ۇلىن ارنايى بارىپ، اكادەمياعا ەسىمىن بەرۋگە كەلىسىمىن العان.
اۆتور: مارلان جيەمباي
