ايگىلى قازاق اقىنىنىڭ جىر جيناعى انكارا قالاسىندا جارىق كوردى

استانا. قازاقپارات - قازاقتىڭ تالانتتى اقىنى ۇلىقبەك ەسداۋلەتتىڭ انكارا قالاسىنداعى «BENGU» باسپاسىنان «Siirler» («جىرلار») دەگەن اتپەن جىر جيناعى جارىق كوردى.

جيناقتى تۇرىك تىلىنە اۋدارعان مالىك وتاربايەۆ، ءتارجىماسىن رەداكسيالاعان تۇرىك اقىنى مەتين ءوزارىسلان. جىر جيناقتىڭ العى ءسوزىن ەۆرازيا جازۋشىلار وداعىنىڭ ءتوراعاسى، بەلگىلى تۇرىك پروزاشىسى ياكۋب ومەروعلى جازعان.

بۇعان دەيىن تالانتتى اقىننىڭ قىتاي، مونعوليا ەلدەرىندە دە بىرنەشە كىتاپتارى جارىق كورگەن بولاتىن. اقىن ءوزى دە ءۇندى، تۇرىك، فين، افريكا، الجير، ۋكراين، ءازىربايجان، قىرعىز، ابحاز، موڭعول، ساحا-ياكۋت جانە باسقا حالىقتاردىڭ اقىندارىنىڭ ولەڭدەرىن، سونداي-اق، م. لەرمونتوۆتىڭ، ا. بلوكتىڭ، د. كەدريننىڭ، ن. رۋبتسوۆتىڭ جانە ت. ب. ءبىرقاتار جازۋشىلاردىڭ شىعارمالارىن قازاق تىلىنە اۋدارعان.

Kazaitys.kz