16:45, 30 - شىلدە 2014 | GMT +5
مۇناي جانە گاز ءمينيسترى: قازاقستان جانارماي باعاسىن جاساندى جولمەن ۇستاپ تۇرا المايدى
استانا. قازاقپارات - قازاقستان جانارماي باعاسىن جاساندى جولمەن ۇستاپ تۇرا المايدى. بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە مۇناي جانە گاز ءمينيسترى ۇزاقباي قارابالين وسىلاي مالىمدەدى.
ءمينيستردىڭ سوزىنە قاراعاندا، قازاقستاندا ءوزى شەكارالاساتىن رەسەي، قىتاي، وزبەكستان، قىرعىزستانعا قاراعاندا بەنزين باعاسى ءبىرشاما تومەن.
«ەۋروپا ەلدەرىمەن سالىستىرساق تا بىزدە بەنزين باعاسى تومەن، بىلايشا ايتقاندا ءبىز جانارماي ەڭ ارزان ەلدەردىڭ ءبىرى بولىپ وتىرمىز. دەگەنمەن، ناقتى ەكونوميكالىق جاعدايدى ەسەپكە الماي بولمايدى. سوندىقتان دا اينالامىزدا ورىن الىپ جاتقانعا ءمان بەرمەي وتىرا المايمىز. جاھاندىق ەكونوميكانىڭ ءبىر بولشەگىنە اينالعان قازاقستان جانار-جاعارمايدىڭ جاساندى باعاسىن قولمەن ۇستاپ تۇرا المايتىنىن ايتقىم كەلەدى»، - دەدى ۇزاقباي قارابالين.
اۆتور: قانات مامەتقازى ۇلى
