ەلباسى ۇكىمەتتىڭ كەڭەيتىلگەن وتىرىسىن وتكىزۋدى ۇسىندى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەڭەسكە پرەمەر- مينيستر ك. ءماسىموۆ، پرەزيدەنت اكىمشىلىگىنىڭ باسشىسى ن. نىعماتۋلين جانە پرەزيدەنتتىڭ كومەكشىسى ە. ورىنبايەۆ قاتىستى.
كەڭەسكە قاتىسۋشىلار بيىلعى 7 ايداعى ەلدىڭ الەۋمەتتىك- ەكونوميكالىق دامۋ قورىتىندىلارىن، قازاقستاننىڭ الەمدەگى دامىعان 30 مەملەكەتتىڭ قاتارىنا كىرۋىن قامتاماسىز ەتۋ جونىندەگى شارالاردىڭ جۇزەگە اسىرىلۋ بارىسىن، سونداي- اق الداعى كەزەڭگە ارنالعان باسىمدىعى بار مىندەتتەردى قارادى.
نۇرسۇلتان نازاربايەۆ ەكونوميكا مەن الەۋمەتتىك سالانىڭ نەگىزگى ماسەلەلەرىنە ارنالعان كەڭەيتىلگەن ۇكىمەت وتىرىسىن وتكىزۋ قاجەتتىگىن اتاپ ءوتتى.
سونىمەن قاتار، ۋكرايناداعى ىشكى ساياسي احۋالدىڭ جانە سونىمەن بايلانىستى حالىقارالىق وقيعالاردىڭ وتاندىق ەكونوميكانىڭ دامۋىنا ىقپال ەتۋ ىقتيمالدىعىنىڭ ءتۇرلى اسپەكتىلەرى تالقىلاندى.
كەڭەس قورىتىندىسى بويىنشا مەملەكەت باسشىسى ءبىرقاتار ناقتى تاپسىرمالار بەردى.
