ەرتەڭ الماتى ماڭىندا ۇلتتىق سپورت تۇرلەرىنەن قازاقستان چەمپيوناتى وتەدى

 الماتى. قازاقپارات- ەرتەڭ الماتى وبلىسى، قاراساي اۋدانىنىڭ ۇشقوڭىر كەنتى ماڭىندا 31 - شىلدە مەن 5 - تامىز ارالىعىندا ۇلتتىق سپورت تۇرلەرىنەن جاسوسپىرىمدەر اراسىندا ق رⅢچەمپيوناتى وتەدى.

«بۇل چەمپيوناتقا 18 جاسقا دەيىنگى جاستار قاتىسادى. ازىرگە 10 كوماندا بەلگىلى بولىپ وتىر. ولاردىڭ ىشىندە الماتى قالاسى مەن الماتى وبلىسىنىڭ كوماندالارى بار. ءبىر كوماندادا 15-17 جىگىتتەن بولادى. 12 جىگىت كوكپارعا، 3 جىگىت اۋدارىسپاققا جانە تاعى 2 جىگىت تەڭگە الۋ جارىسىنا قاتىسادى دەپ كۇتىلۋدە. كوماندالار مەن كوماندا مۇشەلەرىنىڭ ناقتى ءتىزىمى، سالماق دارەجەلەرى جانە جۇلدەلەر قورى بۇگىن كەشكە قاراي، مانداتتىق كوميسسيانىڭ وتىرىسىنان كەيىن بەلگىلى بولادى» - دەدى ءوز سوزىندە الماتى قالاسى بويىنشا ات سپورتىنىڭ باپكەرى سارسەنباي قۇلبايەۆ.

 ەستەرىڭىزگە سالا كەتەيىك، ق ر سپورت جانە دەنە شىنىقتىرۋ ىستەرى اگەنتتىگىنىڭ قولداۋىمەن ۇيىمداستىرىلىپ جاتقان بىرىنشىلىك ۇشقوڭىر كەنتى ماڭىنداعى «قازانات» اتشابار الاڭىندا وتەدى.

 

 اۆتور: جاپپاربەرگەن ايبوتا