قازاقستاننىڭ فۋتبول قۇراماسى تاجىكستان كومانداسىمەن كەزدەسەدى

استانا. قازاقپارات - قازاقستاننىڭ فۋتبول قۇراماسى تاجىكستان كومانداسىمەن جولداستىق كەزدەسۋ وتكىزەدى، دەپ حابارلايدى ق ف ف باسپا ءسوز قىزمەتى.

 ەۋرو-2016 چەمپيوناتىنا دايىندىق رەتىندە وتكىزىلگەلى وتىرعان ماتچ 12 - تامىز كۇنى الماتىنىڭ ورتالىق ستاديونىندا بولادى. باستالۋى - استانا ۋاقىتى بويىنشا 19:30 ساعاتتا.

قازاقستان فۋتبولشىلارى وسى ۋاقىتقا دەيىن تاجىكستان قۇراماسىمەن ءۇش رەت ويناعاندىعىن ايتا كەتكەن ءجون. ەكى كەزدەسۋ قازاقستاندىقتاردىڭ پايداسىنا شەشىلسە، ءبىر ماتچتا تەڭ ويىن تىركەلدى.

بۇدان بۇرىن حابارلاعانىمىزداي، قازاقستان قۇراماسى 5-13 - تامىز كۇندەرى تالعاردا وقۋ- جاتتىعۋ جيىندارىن وتكىزبەك. كوماندا ەۋرو-2016 چەمپيوناتىنىڭ ىرىكتەۋ سىنىنا دايىندالۋى ءتيىس. قۇرامانىڭ باس باپكەرى يۋري كراسنوجاننىڭ كەڭەيتىلگەن تىزىمىندە 41 فۋتبولشى بار.

   اۆتور: جاسۇلان جولدىبايەۆ