بىرىككەن اراب امىرلىكتەرىنە كەلۋ ۆيزاسىنىڭ جاڭا تۇرلەرى ەنگىزىلەدى
اتاپ ايتقاندا، ۆيزانىڭ جاڭا تۇرىندە بىرنەشە مارتەلىك ىسكەرلىك ۆيزاسى، وقۋ جانە مەديتسينالىق ۆيزالار، سونىمەن قاتار كونفەرەنتسيالارعا قاتىسۋ ءۇشىن كەلۋگە رۇقسات بەرۋ قامتىلعان.
ب ا ءا ىشكى ىستەر مينيسترلىگى وكىلدەرىنىڭ پايىمىنشا، ەنگىزىلىپ وتىرعان جاڭاشىلدىقتار تۋريستەر اعىنىن ارتتىرۋعا ءارى ەل ەكونوميكاسىن كوتەرۋگە باعىتتالعان. بۇدان بولەك ب ا ءا ۇكىمەتىنىڭ قاۋلىسىمەن جۇمىس بەرۋشىلەر امىرلىكتەردە جۇمىس ىستەۋگە رۇقسات راسىمدەۋى بارىسىندا قايتارىلاتىن دەپوزيتتەردىڭ ستاۆكالارى ارتتىرىلاتىن بولادى. جەرگىلىكتى ب ا ق- تاردىڭ جازۋىنشا، بۇل ەرەجە اراب مەملەكەتتەرىنە ەڭبەك ميگرانتتارىن شەكتەۋ ماقساتىندا قابىلدانۋدا. بۇعان قوسا، ەلدە تۇراقتاۋ ۆيزاسىن راسىمدەۋ بارىسىندا قۇجاتتاردى دۇرىس تولتىرماعانى، سونىمەن بىرگە جۇمىسشىلاردىڭ مارتەبەسى تۋرالى جالعان اقپاراتتار مەن دەمەۋشىلىك اقپاراتتاردى دەر ۋاقىتىندا بەرمەگەنى ءۇشىن ايىپپۇلدار وسىرىلگەن.
ايتا كەتەرلىگى، 2014 - جىلدىڭ 1- جارتى جىلدىعىندا ب ا ءا گە شامامەن 22 ميلليون ادام ساپارلادى. ءدال وسى ارالىقتا تەك دۋبايدىڭ وزىندە شەتەلدىكتەرگە بەرىلگەن رەزيدەنتتىك ۆيزالاردىڭ سانى 570 مىڭعا جەتىپ وتىر.
اۆتور: مارلان جيەمباي
