قازاقستان گيتاراشىسى الەمنىڭ ۇزدىك بايقاۋىنا قاتىسادى
بۇل حالىقارالىق بايقاۋ الەمنىڭ تۇكپىر- تۇكپىرىنەن جاس روك- گيتاراشىلاردىڭ باسىپ قوسىپ، ونلاين تۇردە وتەتىن بايقاۋ ۇيىمداستىرادى.
2008 -جىلدان باستاپ وتكىزىلىپ كەلەدى. الەمنەن 350 روك- گيتاراشى قاتىسىپ، ونىڭ ىشىندە جالعىز قازاقستاندىق مۋزىكانت ارتۋر ماشۋروۆ (لاقاپ اتى نودار) بولىپ وتىر. بايقاۋ تالاپتارى بويىنشا Guitar Idol سايتىندا ەڭ كوپ داۋىس العان گيتاراشى جەڭىسكە جەتەدى.
ەلىمىزدە Nodario ەسىمىمەن تانىلا باستاعان گيتاراشى پ. چايكوۆسكي اتىنداعى مۋزىكا مەكتەبىن، كەيىن ت. جۇرگەنوۆ اتىنداعى ونەر اكادەمياسىن ءتامامداعان. باستاپقىدا Motor- Roller توبىندا ونەر كورسەتكەن ول Angry aints توبىنا اۋىسىپ كەلگەن. ماشۋروۆ Tengri FM روك- سىيلىعىنىڭ يەگەرى.
"بۇل بايقاۋعا شەتەلدىك وتە مىقتى باسەكەلەستەرىم قاتىسىپ وتىر. سوندىقتان قيىن بولاتىنىن بىردەن ايتايىن. اقتىق كەزەڭىنە وتەمىن دەگەن ءۇمىتىم بار. وندا مەن ءوزىمنىڭ ءتورت جىل بويى ارقالاپ جۇرگەن گيتارامدى اپارامىن"، - دەيدى Nodario.
ەستەرىڭىزگە سالا كەتەيىك، ءدال وسى قازاقستاندىق قاتىسۋشى ەلىمىزدە ەلەكترودومبىرانى تۇڭعىش رەت ساحناعا الىپ شىققان «الداسپان» توبىنىڭ دومبىراشىسى ماقسات حاسانوۆپەن ءبىر ساحنادا ناعىز battle ۇيىمداستىرعان بولاتىن.
دايىنداعان: ارداق قۇلتاي
massaget.kz
