ۆيتسە-پرەمەر قىزداردى داۋىستاپ كۇلمەۋگە شاقىردى

استانا. قازاقپارات - تۇركيانىڭ ۆيتسە-پرەمەرى بيۋلەنت ارىنچ ەلدەگى قىزدار مەن ايەلدەردى كوپشىلىك الدىندا اقىرىن كۇلىپ، تاربيەلى بولۋعا شاقىردى دەپ جازادى فرانس پرەسس.

ونىڭ ايتۋىنشا، ايەل بالاسى جەڭىلتەكتىككە سالىنباي، وزگەلەردىڭ الدىندا ءوزىن يناباتتى ۇستاۋى ءتيىس.

سونىمەن قاتار، جاقسى مەن جاماندى دا ءبىر كورگەننەن-اق اجىراتا ءبىلۋى كەرەك دەيدى ول.

شەنەۋنىكتىڭ بۇل مالىمدەمەسى دەرەۋ الەۋمەتتىك جەلىلەردە تالقىلانىپ، بلوگەرلەر ۆيتسە-پرەمەردەن تاربيە تۋرالى ءسوز ايتپاۋىن سۇرادى.

ينتەرنەت پايدالانۋشىلارى ەردوعاننىڭ اينالاسىندا بولىپ جاتقان جەمقورلىق داۋىن ارىنچتىڭ ەسىنە سالىپ، الدىمەن جەمقورلىقپەن كۇرەسۋىن تالاپ ەتتى.

ەستەرىڭىزگە سالايىق، اعىمداعى جىلدىڭ اقپان ايىندا Youtube بەينە-پورتالىندا ەردوعان مەن ۇلىنىڭ اراسىنداعى تەلەفون اڭگىمەسىنىڭ اۋديو-نۇسقاسى جاريالانعان بولاتىن. وندا پرەمەر-مينيستر ۇلىنا زاڭسىز جيناعان اقشاسىن تىعىپ تاستاۋىن تاپسىرعان. الايدا، مەملەكەت باسشىسى مۇنى قولدان جاسالعان تاسپا ەكەنىن ايتىپ وتىر.

Baq.kz