سەمەيلىك قىز گولليۆۋدتى باعىندىردى

استانا. قازاقپارات - گولليۆۋدتى باعىندىرعان بالدىرعان.

14 جاسار سەمەيلىك ونەرپاز ۆانەسسا بەزرودنايا ا ق ش-تا وتكەن الەمدىك بايقاۋدا توپ جاردى.

42 مەملەكەتتەن كەلگەندەردىڭ باسىن قوسقان بايقاۋ لوس-انجەلەس قالاسىندا ءوتتى.

16 جاسقا دەيىنگى ونەرپازداردىڭ اراسىندا وتانداسىمىز پوپ جانە روك باعىتى بويىنشا سىنعا تۇسكەن.

قازىلار القاسى سەمەيلىك ورەننىڭ ونەرىنە ءتانتى بولىپ، باس جۇلدەنى تاپسىرىپتى. ۆانەسسا ءۇشىن بۇل حالىقارالىق دەڭگەيدەگى ءبىرىنشى بايقاۋ ەمەس. بۇعان دەيىن ول «نوۆايا ۆولنانىڭ» اقتىق سىنىنا دەيىن جەتكەن. الايدا بۇل جولعى جەڭىستىڭ ءانشى ءۇشىن ورنى ەرەكشە. باس جۇلدەگە قول جەتكىزگەن ۆانەسساعا ءقازىردىڭ وزىندە تانىمال پروديۋسسەرلەردەن بىرنەشە ۇسىنىس تۇسكەن.

ۆانەسسا بەزرودنايا:

- ماعان بايقاۋدان كەيىن كوپتەگەن دىبىس جازۋ ستۋديالارىنان ۇسىنىس ءتۇستى. ءبىرى الەمگە تانىمال مايكل دجەكسون، دجاستين بيبەر سىندى انشىلەرمەن ىستەگەن «رەكوردس» كومپانياسى. ازىرگە شەشىم قابىلداعان جوقپىن. الدا تاعى بىرنەشە بايقاۋ بار.

ktk.kz