15:40, 29 - شىلدە 2014 | GMT +5
ءۇش جاسار ءسابي ەلدىڭ ۇرەيىن ۇشىردى
استانا. قازاقپارات - امەريكانىڭ ورەگون شتاتىنىڭ تۇرعىنى ءۇش جاستاعى ءسابي ءوزىنىڭ اپكەسىنىڭ دجيپ كولىگىمەن كورشى ءۇيدىڭ قابىرعاسىن بۇزىپ كەتكەن، دەپ حابارلايدى FOX12 Oregon.
بۇل كەزدە بالانىڭ تۋىسقان اپكەسى ۆاننادا جۋىنىپ جاتقان.
اۋلادا ويناپ جۇرگەن بالا ەسىگى اشىق قالعان كولىكتى بايقاپ، ونىڭ ىشىنە كىرىپ العان.
قوسىمشا ىسكە قوسقىشقا قولىن تيگىزگەندە ويىس جولدا تۇرعان كولىك وت الىپ، ءجۇرىپ كەتكەن. قيىلىسقا شىققان ماشينا كورشىسىنىڭ اۋلاسىنا ەنىپ كەتىپ، ونىڭ ءۇيىنىڭ قابىرعاسىنا سوعىلعان. جورگەكتەن باسقا ۇستىندە لىپاسى بولماعان ءسابي سول ساتتە توقتاپ قالعان كولىكتەن ءتۇسىپ كەتىپ، ۇيىنە ورالىپ، تەلەديداردان مۋلتفيلم تاماشالاۋىن جالعاستىرا بەرگەن.
ءسابيدىڭ اتا-اناسى كورشى ۇيگە كەلگەن شىعىندى تولىق وتەۋدى مويىندارىنا الدى. الايدا پوليتسيا قىزمەتكەرلەرى ولارعا بالالارىن دۇرىس قاراي الماعانى ءۇشىن دە ايىپ تاعىپ وتىرعان كورىنەدى.
