ءسابينانىڭ تانىمالدىلىعىن ەۋروپا مەن ا ق ش ب ا ق-تارى جارىسا جازۋدا
17 جاستاعى قازاق سپورتشىسىنىڭ جانكۇيەرلەرى سالعان فان-ارت تۋىندىلارى دا كوبەيدى. ەندەشە جانكۇيەرلەرى سالعان سۋرەتتەر مەن شەتەلدىك ب ا ق-تاردىڭ قازاق ارۋى جايلى جازعان ماقالالارىنا توقتالىپ وتەيىك.
Globalvoicesonline.org سايتى دا ءسابينانىڭ كەنەتتەن كەلگەن تانىمالدىلىعى تۋرالى بىلاي جازادى:
«17 جاستاعى قازاق ۆولەيبولشىسى ءسابينا التىنبەكوۆا 22- شىلدە كۇنى تۆيتتەردە ءوزىنىڭ پاراقشاسىن اشادى. ول بۇل ارقىلى ونىڭ اتىمەن اككاۋنت اشقاندارعا قارسى تۇرعىسى كەلدى، 23 مىڭنان استام وقىرمان تاپتى. ول كوپتەگەن انيمە كەيىپكەرىنە اينالىپ، ب ا ق-تاردىڭ ءبىرىنشى بەتتەرىندە شىعا باستادى. ولار قازاق بويجەتكەنىنىڭ قازاقستاننىڭ جاسوسپىرىمدەر قۇراماسىنا ۆولەيبولشى رەتىندە ەمەس، ءدۇيىم جۇرتتىڭ كوزىنە ءتۇسۋ ءۇشىن الىنعانى تۋرالى جازۋدا».
Mujer.es ينتەرنەت باسىلىمى ءسابينا جايلى اقپارات بەرەدى.
ال شەتەلدىك stuff.co.nz سايتى قازاقستاندىق tengrinews.kz سايتىنا سىلتەمە بەرە وتىرىپ، ءسابينانىڭ جانكۇيەرلەرىنىڭ تەك قىتايدا ەمەس، ەۋروپادا دا كوپ ەكەنىن جازادى.
شەتەلدىك dailymail.co.uk سايتى دا ءسابينادان اينالىپ وتە المادى. وندا ءسابينا الاڭعا شىققاننان باستاپ وعان دەگەن جانكۇيەرلەردىڭ تامسانعاندىعى تۋرالى جازىلعان. سونىمەن قاتار، جۇرتتىڭ ويىندى كورمەي، تەك قازاقستاندىق سۇلۋدىڭ ادەمىلىگىن تالقىلاپ جاتقانى ايتىلعان.
Youtube.com جەلىسىندەگى ءسابينانىڭ ويىنىن بەينەلەگەن روليكتىڭ كورىلىمى 1 ميلليوننان اسىپ جىعىلدى. ۆيدەوروليكتىڭ تومەنگى جاعىندا ءسابينا جايلى الۋان ءتۇرلى پىكىرلەر ايتىلۋدا. ماسەلەن، ءبىر قولدانۋشى ونى ادەمىلىگى ءۇشىن ەمەس، سپورتتاعى جەتىستىگىنە قاراپ باعالاۋ كەرەك دەگەندى ايتسا، ەكىنشىسى سپورتشى قىزعا ولەردەي عاشىق بولعانىن جازادى.
ءسابينانى ءارتۇرلى كەيىپتە سالعان فان-ارت اۆتورلارىنىڭ ءبىرى وعان ءتىپتى قانات ءبىتىرىپ پەرىشتە كەيپىندە بەينەلەگەن ەكەن.
ال امەريكالىق losangeles.cbslocal.com باسىلىمى «ويىن ءۇشىن تىم ادەمى مە؟ ءسابينا التىنبەكوۆا تۋرالى ءبىلۋىمىز كەرەك 6 دەرەك» دەگەن اتپەن ماقالا جازدى. سول التى دەرەك رەتىندە باسىلىم مىنا اقپاراتتاردى بەرەدى:
1) ءسابينا ءوز ەلىنىڭ سپورتىن جاقسى جارنامالاۋدا؛
2) ءسابينانىڭ باپكەرى بىرىنشىلىكتەگى كوماندانىڭ تومەنگى ساتىدا اياقتاعانىن ونىڭ اسا تانىمال بولۋى دەپ تۇسىندىرەدى.
3) ءسابينا تەك ادەمى جانە جاقسى سپورتشى عانا ەمەس، سونىمەن قاتار زاڭ ماماندىعىن وقىعىسى كەلەتىنىن ونىڭ اناسى ايتتى.
4) ءسابينانىڭ بويى 6 فۋت (1 فۋت - 30.48 سانتيمەتر). ول مودەلدىك بيزنەسكە دە بارا الادى.
5) ءسابينا سالماقتى ءارى اقىلدى. ءدۇيىم جۇرتتىڭ نازارى وزىنە اۋعاندا ول ءوزىنىڭ سونداي قۇرمەتكە يە بولعانى ءۇشىن راقمەت ايتتى، ءبىراق ول بار وي- اۋانىن ۆولەيبول ويىنىنا سالعىسى كەلەتىنىن جەتكىزىپتى، - دەپ جازادى The Daily Mail.
6) ونىڭ اكە-شەشەسى دە سپورتشى بولعان. اكەسى شاڭعىشى بولسا، شەشەسى جەڭىل اتلەتيكامەن اينالىسىپتى.
ەسكەرتە كەتەيىك، ءسابينانىڭ instagram جەلىسىندەگى پاراقشاسى قازاقستاندىق سپورتشىلاردىڭ رەيتينگىندە كوش باستاپ تۇر. ونىڭ بۇگىندە 249507 وقىرمانى بار.
دايىنداعان: ارداق قۇلتاي
massaget.kz
