ساقالىن ايەلىنىڭ كوڭىلى ءۇشىن ءوسىرىپ ءجۇر

استانا. قازاقپارات - برازيليادا وتكەن الەم چەمپيوناتىنا جولى تۇسپەگەن فرانسيا قۇراماسىنىڭ جارتىلاي قورعاۋشىسى فرانك ريبەريدىڭ سوڭعى ويىنداردا ساقالىن ءوسىرىپ الاڭدا ونەر كورسەتىپ جۇرگەنىن جانكۇيەر قاۋىمنىڭ كوزى شالىپ ءجۇر.

فۋتبولشىنىڭ جاڭا ساقال قويۋ ءستيلى تىلشىلەر تاراپىنان دا قىزىعۋشىلىق تۋدىرعان كورىنەدى. ال ءوز كەزەگىندە ميۋنحەندىك «باۆاريانىڭ» ويىنشىسى ساقال ءوسىرۋىنىڭ سەبەبىن ايەلىمەن بايلانىستىردى.

كلۋبتىڭ رەسمي سايتىندا جاريالانعان مالىمەت بويىنشا، فرانك ريبەري قىرىنىپ، وزگە ستيلدە الاڭعا شىققىسى كەلەدى. ءبىراق، ايەلى ۆاحيبا مۇنى قالامايدى ەكەن.

- ايەلىمە وسى ءتۇرىم قاتتى ۇنايدى. مەنىڭ قىرىنعىم-اق كەلەدى، ءبىراق ايەلىم قالامايدى. سول ءۇشىن ءوسىرىپ ءجۇرمىن. ەكەۋمىزدىڭ ارامىزدا ساقال ءۇشىن ۇلكەن كۇرەس جۇرۋدە. ال جاراقاتىمنان ايىعىپ كەلەمىن. ەندى ماعان بۇرىنعى قالپىما كەلۋ ءۇشىن ازداپ جىلدامدىق پەن سەزىمتالدىق كەرەك، - دەگەن فۋتبولشى.

ەستەرىڭىزگە سالا كەتسەك، جاقىندا عانا اياقتالعان «تەلەكوم» كۋبوگىندا «باۆاريا» جەڭىمپاز اتانىپ، ريبەري ۇزدىك ونەر كورسەتكەن بولاتىن.

دايىنداعان: ومىربەك سانسىزباي

massaget.kz