مەككەگە جاياۋ شىققان ازاماتتىڭ اقشاسى تاۋسىلىپ، اتىراۋدان شىعا الماي وتىر

استانا. قازاقپارات - استانادان مەككەگە جاياۋ شىققان جىگىت اعاسىنىڭ جولدا تۇنەيتىن ءتۇرى بار. دۋلات يمانقاجى 25- شىلدە كۇنى اتىراۋعا جەتكەن ەدى. سول كۇنى ساپارىن ارى قاراي جالعاستىرۋى ءتيىس بولعانىمەن، 3 كۇننەن بەرى اقشاسى ءبىتىپ، قالادان شىعا الماي جاتىر.

15- قىركۇيەكتە ساۋد ارابياسىندا بولۋدى جوسپارلاعان 47 جاستاعى دۋلات يمانقاجى ەندى كەرى قايتىپ كەتۋى دە مۇمكىن. ويتكەنى مەككەگە دەيىن جەتۋگە قارجىلاي كومەك كورسەتەمىز دەگەن ازاماتتار ءۇنسىز. جيحانكەز وسى باستاماعا ۇيىتقى بولعان ەلورداداعى «نۇر استانا» مەشىتىنىڭ باسشىلارىمەن دە سويلەسىپتى. كومەكتەسۋگە ۋادە بەرگەنىمەن، ءالى كۇنگە دەيىن ولاردان حابار الا الماي وتىر ەكەن.

دۋلات يمانقاجى:

 - ەندى اقشا بولماي جاتسا قايتامىن، نە ىستەيمىن؟ ويتكەنى، ەرتەڭگى كۇنى مەن اناۋ جولدا، يراندا بولماسا، ءازىربايجان جەرىندە قالىپ قويسام، تانىمايتىن جەردە، ەلدەن ۇيات. وندا كىمنەن كومەك سۇرايمىن؟

Baq.kz