ادامزات تاريحىنداعى ەڭ ۇزاققا سوزىلاتىن ەستافەتا استانادان باستاۋ الدى

استانا. قازاقپارات  - استانادا «الەم جۇگىرىسى» مارافونى باستالدى .ەلوردالىق 16 جەلاياق ەستافەتا الاۋىن الىپ، تومسك قالاسىنا اتتاندى. جول بويىندا ولار 32 ەلدى مەكەنگە سوعىپ، 2 مىڭ شاقىرىم جولدى جۇگىرىپ ءوتۋى ءتيىس.

بيىلعى ەستافەتا جاڭا زەلانديادا اياقتالادى. «الەم جۇگىرىسى» - ادامزات تاريحىنداعى ەڭ ۇزاققا سوزىلاتىن ەستافەتا. ول 2 جىلدا ءبىر رەت عالامشاردىڭ 6 قۇرلىعىندا وتەدى. 70 مىڭ شاقىرىمدى قۇرايتىن جاھاندىق ەستافەتا 140 مەملەكەتتى بىرىكتىرىپ، سالاۋاتتى ءومىر سالتىنا ۇندەيدى.

بالتابەك نۇراحمەتوۆ، «جەلاياق» كلۋبىنىڭ مۇشەسى:

- بۇل شاراعا بارلىق ادامدار قاتىسا الادى. الايدا دايىندىق كەرەك. ويتكەنى جۇگىرىس بارىسىندا 15-20 شاقىرىمدىق جولدى وتۋگە تۋرا كەلەدى.

kz.24.