قايىرىمدىلىق قورىنان جارتى ميلليون دوللار ۇرلاعان

استانا. قازاقپارات - بريتاندىق ازامات سوتتا اسكەريلەرگە قولداۋ كورسەتەتىن Help for Heroes («باتىرلارعا كومەك») قايىرىمدىلىق قورىنا تاپسىرىلعان 300 مىڭ فۋنت ستەرلينگتەن استام اقشانى ($500 مىڭ) قالتاسىنا باسقانىن مويىندادى.

51 جاستاعى كريستوفەر كوۋپلەند انگليا جانە ۋەلس امبەباپ دۇكەندەرىندە اقشا جينايتىن پۋنكتتەر اشقان. بارلىق اقشانى ءوز شوتىنا اۋدارىپ وتىرىپتى. ونىڭ الاياقتىققا بارعانىن سەزگەن ەرىكتىلەردىڭ ءبىرى پوليتسياعا حابارلادى.

وسىلايشا وڭاي جولمەن اقشا تاپپاق بولعان ازامات قولعا ءتۇستى.

سۋديانىڭ سوزىنە قاراعاندا، كوۋپلەند ۇزاق مەرزىمگە بوستاندىعىنان ايىرىلماق، دەپ حابارلادى BBC.