09:40, 29 - شىلدە 2014 | GMT +5
عالىمدار: بالالاردىڭ بەرىلگەن اقپاراتتى قابىلداۋىندا ءدىني تاربيەنىڭ ىقپالى بار
استانا. قازاقپارات - عالىمدار سىناق بارىسىندا بالالاردىڭ اقپاراتتى قابىلدانۋىنا ءدىننىڭ دە ايتارلىقتاي ىقپالى بار ەكەندىگىن انىقتادى، دەپ حابارلادى شەتەلدىك ب ا ق.
سىناق بارىسىندا 5-6 جاستاعى بالالار ءبىرقاتار سىناقتان وتكەن. ولاردى ءبىلىم الىپ جاتقان كادىمگى جانە ءدىني مەكتەپتەرىنە، شىركەۋگە بارۋ-بارماۋىنا بايلانىستى توپتارعا بولگەن. وسىدان كەيىن بالالارعا شىنايى، فانتاستيكالىق جانە ءىنجىل سيۋجەتتەرىندەگى وقيعالاردى باعالاۋ ۇسىنىلعان.
زەرتتەۋ بارىسىندا بالالاردىڭ بارلىعى بىردەي شىنايى وقيعالارعا سەنگەن. الايدا دىنگە سەنەتىن بالالار ءىنجىل سيۋجەتتەرىن شىنايى قابىلداپ، ءوز پىكىرلەرىن سوعان سۇيەنىپ بىلدىرگەن. ال ادەتتەگى مەكتەپتە وقىپ، شىركەۋگە بارمايتىن بالالار مۇنى قيال-عاجايىپ دەپ سانايتىندىقتارىن ايتقان.
وسىعان وراي عالىمدار بالالاردىڭ اقپاراتتى قابىلداۋىنا ءدىني ءتالىم-تاربيە بەرۋدىڭ ايتارلىقتاي ىقپالى بار دەپ ەسەپتەۋدە.
اۆتور: مارلان جيەمباي
