قارىزى بار ازاماتتارعا شەتەلگە بارۋعا تىيىم سالىنادى

استانا. قازاقپارات - جادىراعان جازدا دەمالىسقا شىعىپ، ساپارعا شىعاتىندار سانى ارتادى. قازاقستاندىقتار وتاندىق «بۋراباي»، «سارى اعاش» شيپاجايلارىنا بارادى، الماتى ماڭىنداعى تاۋلاردا دەمالادى جانە ت. س. س. دەگەنمەن، ادامداردىڭ باسىم بولىگى شەتەلدىك كۋرورتتاردى تاڭدايدى. ولار كوبىنەسە تۇركيا، ب ءا ا، گرەكيا جانە تايلاند ەلدەرىندە دەمالادى.

ءبىراق قازاقستاندىقتار كوپتەن كۇتكەن دەمالىسىنا بارماي قالماس ءۇشىن سوت اكتىلەرى بويىنشا قارىزدارىن ۋاقىتىلى وتەۋى ءتيىس. بورىشكەرلەر مەملەكەتتىك شەكارادان اسىپ كەتە المايدى، ويتكەنى سوت ورىنداۋشىسى «اتقارۋشىلىق ءىس- جۇرگىزۋ جانە سوت ورىنداۋشىلارىنىڭ مارتەبەسى تۋرالى» ق ر زاڭىنا سايكەس بورىشكەردىڭ قازاقستاننان تىس شىعۋىنا ۋاقىتشا شەكتەۋ قويۋ تۋرالى قاۋلى شىعارۋعا قۇقىلى. قانداي دا بولماسىن قارىزىڭ بولسا، اليمەنت، نەسيە مەن زايمداردى، سالىقتاردى، ايىپپۇلداردى، ت ك ش جانە باسقا دا تولەمدەردى تولەمەسەڭ شەتەلگە بارماي قالۋىڭ مۇمكىن.

ق ر ادىلەت مينيسترلىگى قىزمەتكەرلەرىنىڭ ايتۋىنشا، ءوندىرىپ الۋشىمەن ەكى جاقتى كەلىسىمگە قول جەتكىزىلگەن جاعدايدا نەمەسە قارىزدى تولىق قايتارعاندا عانا شەتەلگە بارۋعا رۇقسات الۋعا بولادى. سودان كەيىن ازاماتتار ەلدەن تىس شىعۋعا تىيىم سالۋ سانكتسيالارى تىزىمىنەن الىنىپ تاستالادى جانە ولاردىڭ ساياحاتقا شىعۋلارىنا بولادى. سونىمەن قاتار، قازاقستاننان تىس جەرلەردە ەم-دوم قابىلداۋ قاجەت بولعان جاعدايدا شەتەلگە بارۋعا تىيىم سالۋ توقتاتىلۋى مۇمكىن، دەپ جازادى astana.gov.kz.