الماتىدا ادىلەت دەپارتامەنتى بالالار ۇيىنە سىي جاسادى

الماتى. قازاقپارات - ون ەكى ايدىڭ سۇلتانى ورازا ايىندا الماتى قالاسى ادىلەت دەپارتامەنتى ۇجىمى كمم «ءۇمىت ءۇيى» بالالارىنا «ايالى الاقان» اتتى اكسياسىن ۇيىمداستىرىپ، قايىرىمدىلىق كورسەتتى.

بۇل تۋرالى قالالىق ادىلەت دەپارتامەنتىنىڭ باسپا ءسوز قىزمەتى جەتەكشىسى ءساليما ياكۋپبايەۆا حابارلادى.

قايىرىمدىلىق شاراسىنا دەپارتامەنت باسشىسى باستاعان ۇجىم قىزمەتكەرلەرى، اتاپ ايتقاندا قۇقىقتىق ءتۇسىندىرۋ جانە حالىققا زاڭدىق قىزمەت كورسەتۋ ءبولىمى، جىلجىمايتىن مۇلىككە قۇقىقتاردى تىركەۋ ءبولىمى، زاڭدى تۇلعالاردى تىركەۋ ءبولىمى قىزمەتكەرلەرى اتسالىستى.

 25 جىلدىق تاريحى بار بالالار ۇيىنە دەپارتامەنت اتىنان توڭازىتقىش پەن تەلەديدار سىيعا بەرىلىپ، بالالارعا «La Mar. Ka» شىعارماشىلىق شەبەرحاناسىنىڭ «تاتتىلەرى» تارتۋ ەتىلدى.

ادىلەت باسقارماسى قىزمەتكەرلەرى كورسەتكەن قامقورلىققا «ءۇمىت ءۇيى» باسشىسى ساندۋعاش سمات قىزى ريزالىعىن جەتكىزدى.

قازىر ءۇمىت ۇيىندە اتا-اناسىنىڭ قامقورلىعىنسىز قالعان جەتى جاسقا دەيىنگى 29 بالا تاربيەلەنىپ وتىر.

اۆتور: گۇلميرا عوسمانالي