گرۋزيانىڭ بۇرىنعى پرەزيدەنتى سااكاشۆيليگە قارسى قىلمىستىق ءىس قوزعالدى

استانا. قازاقپارات - گرۋزيا پروكۋراتۋراسى بۇرىنعى پرەزيدەنتى ميحايل سااكاشۆيليدىڭ ۇستىنەن قىلمىستىق ءىس قوزعادى.

ول «قىزمەتىن اسىرا پايدالانىپ جاپا شەگۋشىنىڭ ار-نامىسىنا ءتيدى» دەپ ايىپتالۋدا.

بۇل ءۇشىن 8 جىلعا دەيىن باس بوستاندىقتان ايىرۋ قاراستىرىلعان.

سااكاشۆيلي 2007 - جىلى 7 - قاراشادا كوتەرىلىسكە شىققانداردى باسىپ، «يمەدي» تەلەكومپانياسىن بۇزۋ جانە بيزنەسمەن بادري پاتاركاتسيشۆيليدىڭ مۇلكىن الۋعا قاتىسقان دەپ ايىپتالۋدا.

ەكس-پرەزيدەنتپەن بىرگە ءبىرقاتار شەنەۋنىك تە ءىس بويىنشا تەرگەۋدەن وتۋدە: ءى ءى م بۇرىنعى باسشىسى ۆانو مەرابيۆشيلي، ەكس-پروكۋرور زۋراب ادەيشۆيلي، قورعانىس مينيسترلىگىنىڭ بۇرىنعى باسشىسى داۆيد كەزەراشۆيلي، سونىمەن بىرگە ءتبيليسيدىڭ بۇرىنعى مەرى گيگي ۋكۋلاۆا.

سااكاشۆيلي دۇيسەنبى كۇنى پروكۋراتۋراعا شاقىرتىلدى. الايدا بۇرىنعى شەنەۋنىك بەلگىلەنگەن ۋاقىتتا ۆەدومستۆو مەكەمەسىنە كەلمەدى.