12:51, 28 - شىلدە 2014 | GMT +5
ۆەتنامدا قازاقستان ەلشىسى تونالدى
استانا. قازاقپارات - «ۆەتنام سۋپەرماركەتىندە ءبىر ايەل قازاقستان ەلشىسىنىڭ قول سومكەسى مەن تەلەفونىن ۇرلاعان»، دەپ حابارلادى tuoitrenews.vn. پورتالى.
«نگۋەن تحي تحۋ ترانگ ەسىمدى 27 جاسار ۆەتنامدىق ايەل 23 - شىلدەدە ۇستالدى، ول قازاقستان ەلشىسىنەن 2,6 ميلليون ۆەتنام دونگىن جانە Iphone 5 ۇيالى تەلەفونىن ۇرلاعان»، - دەلىنگەن جۇماداعى حاباردا.
اقپارعا سايكەس، 10 - شىلدەدە ن. ترانگ سۋپەرماركەتتە ءوزىنىڭ ارام ويىن ىسكە اسىرۋ ءۇشىن شەتەلدىكتى ىزدەپ جۇرگەن.
«ەلشىگە جاقىن بارعان ول، ارباداعى قول سومكەسىنە باس سالىپ، قاشىپ كەتكەن. كەيىن ەلشى پوليتسياعا حابار بەرگەن. تەكسەرۋ باستالعان. ايىپتى مويىنداعانداي، تەلەفوندى ساتىپ جىبەرگەن ول اقشانى دا جۇمساپ قويعان»، - دەلىنگەن ماتىندە.
ق ر ەلشىسى ۆەتنامداعى ديپميسسياسىنا اعىمداعى جىلدىڭ مامىرىندا كىرىسكەن.
«ايقىن»
