ايت نامازىنا جينالعان مۇسىلماندار ماسكەۋدىڭ باس مەشىتىنە سىيماي قالدى

استانا. قازاقپارات -  بۇگىن تاڭەرتەڭنەن باستاپ ماسكەۋدەگى مير كوشەسىندە ورنالاسقان باس مەشىت ورازا ايتىن اسىعا كۇتكەن مۇسىلماندارعا لىق تولدى.

بۇل تۋرالى ria.ru سايتى حابارلايدى.

سايتتىڭ مالىمەتىنشە، مەشىتكە سىيماعاندار سىرتىنداعى الاڭدارعا دا جايعاسقان. كەلۋشىلەردىڭ قاراسى ءالى دە ۇزىلەر ەمەس.

دۋروۆ كوشەسىندەگى كولىك قوزعالىسى ۋاقىتشا توقتاتىلدى. سونداي-اق، وليمپيادا داڭعىلى بويىندا دا كولىك قوزعالىسى شەكتەلگەن.

ايت نامازىن جاماعاتپەن بىرگە وقۋعا نيەتتەنگەن مۇسىلماندار مەشىتكە تاڭعى ساعات 5:00 دەن باستاپ جينالعان. ولار رەسەي مۇفتيلەر كەڭەسىنىڭ ءتوراعاسى راۆيل عاينۋتليننىڭ ۋاعىزىن تىڭداپ، ءبىر-ءبىرىن قاسيەتتى رامازان ايىنىڭ اياقتالۋىمەن قۇتتىقتاۋدا.

اۆتور: ءابۋ-اسقار مەكەش ۇلى