قازاقستاندىق تاەكۆوندوشى كادەتتەر اراسىنداعى الەم چەمپيوناتىندا «كۇمىس» مەدال ولجالادى

استانا. قازاقپارات - قازاقستاندىق تاەكۆوندوشى نارتاي ورازبايەۆ (65+ كەلى) ازەربايجاندا اياقتالعان كادەتتەر اراسىنداعى الەم چەمپيوناتىندا (24-27- شىلدە) «كۇمىس» مەدال ولجالادى، دەپ حابارلايدى سپورتتىق كۇرەس پەن كۇشتىك سپورت تۇرلەرى كونفەدەراتسياسىنىڭ باسپا ءسوز قىزمەتى.

«العاشقى جەكپە-جەگىندە تاتامي يەلەرىنىڭ وكىلى ورحان تاگي-زادانى جەڭگەننەن كەيىن (20:8)، قازاقستاندىققا امەريكالىق ريچارد چۋنگ (20:4) پەن وزبەكستاندىق يسلومدجون ادحاموۆ (21:9) شىداس بەرە المادى. ءبىراق، وكىنىشكە قاراي فينالدىق كەزدەسۋ ءساتسىز بولدى. ورازبايەۆتى سۇرىندىرگەن يراندىق اميرحۋسسەين ۆوگۋي ازار (32:7) بۇل جەكپە- جەكتە جەڭىمپاز اتاندى»، - دەلىنگەن حابارلامادا.

الەم چەمپيوناتى 65+ كەلى. قورىتىندى ەسەپ:

1. اميرحۋسسەين ۆوگۋي ازار (يران)

2. نارتاي ورازبايەۆ (قازاقستان)

3. يسلومدجون ادحاموۆ (وزبەكستان) ، مۇحاممەد اچيكگوز (تۇركيا)

اۆتور: جاسۇلان جولدىبايەۆ