الماتى وبلىسىندا اسكەري تىكۇشاقتاردىڭ وقۋ-جاتتىعۋلارى ءوتتى
دايىندىق 2 اپتا بويى الماتى ماڭىنداعى «پەرۆويمايسكايا» اۋە بازاسىندا ءوتتى. وسى ماقساتتا مۇندا «Ми-24» اسكەري تىكۇشاقتارى شوعىرلانعان قازاقستاننىڭ 3 ءىرى اۆياتسيالىق بولىمشەلەرىنىڭ ماماندارى كەلدى. ولار - شىمكەنت، سەمەي جانە استانا اۋە بازالارىنىڭ ۇشقىشتار قۇرامى.
جاتتىعۋلار اسكەري تالاپقا ساي ەكيپاجدىڭ تولىق قۇرامىمەن وتكىزىلدى. ياعني تىكۇشاق بورتىندا ەكيپاج كومانديرى، شتۋرمان جانە قارۋ-جاراققا جاۋاپتى ۇشقىش- وپەراتور بولدى. تىكۇشاقتار جەردەگى شارتتى نىسانداردى 100- ف ا ب جانە 120 ف ا ب - اۋە بومبالارىمەن، سونداي-اق كولليبرى 12,7 ميلليمەترلىك پۋلەمەتتارمەن جانە باسقارۋدى قاجەت ەتپەيتىن С-8 اۋە راكەتالارىمەن تالقاندادى.
اسكەري وقۋ-جاتتىعۋدا الدىنا قويىلعان تالاپتارعا ساي كولىك ءارى شابۋىل ماشيناسى قىزمەتتەرىن اتقارا الاتىن «Ми-24» جانە «Ми-171» تىكۇشاقتارى قولدانىلدى. اۋە شابۋىلى تۇنگى ۋاقىتتا وتكىزىلدى. بۇل - ەكيپاجدىڭ بەرىلگەن تاپسىرمانى ورىنداۋىن قيىنداتقانمەن، جاس ۇشقىشتاردىڭ بىلىكتىلىگىن ارتتىرادى.
«اسكەري بىلىكتىلىك دەڭگەيىنە توقتالاتىن بولساق، ءار بولىمشە %90 عا دايىن. مۇندا تۇڭعىش رەت قاتىسقاندار، سونداي-اق قايتا قاتارعا قوسىلعاندار جانە تاجىريبەلى ساربازدار بار. بۇگىنگى وقۋ-جاتتىعۋلارعا نەگىزىنەن «پەرۆومايسكايا» اۋە بازاسىنىڭ ۇشقىشتار قۇرامى قاتىسۋدا. سونداي-اق شىمكەنت اۋە بازاسىنان 60 پايىز استانادان 3-4، سەمەيدەن 5-6 ۇشقىش قاتىستى. بارلىعىمىزدى ورتاق ماقسات بىرىكتىرەدى»، - دەيدى شىمكەنت اۋە بازاسى كومانديرىنىڭ ورىنباسارى امانكەلدى ماكىشيەۆ.
