ەلوردادا العاش رەت مۇمكىندىگى شەكتەۋلى جاندار اراسىندا اربا ءبيى حالىقارالىق ءتۋرنيرى ءوتتى
«قازاقستان وۋپەن-2014» بايقاۋىنا جەرلەستەرىمىزدەن بولەك رەسەي، بەلارۋس، تايلاند، قىتاي، جاپونيا جانە وڭتۇستىك كورەيادان بيشىلەر قاتىسقان. سپورتشىلاردىڭ اراسىندا ازيا، ەۋروپا جانە الەم چەمپيوندارى بار. ولار سولو، كومبي جانە دۋو اتالىمدارى بويىنشا باق سىناستى.
ايتا كەتەيىك، ونەر دوداسىنا قاتىسقان 30 عا جۋىق ءبيشىنىڭ تەڭ جارتىسى - وتانداستارىمىز. ەلىمىزدە سپورتتىق ءبيدىڭ بۇل ءتۇرى 2010 - جىلدان باستاپ دامىعان. سوعان قاراماستان، قازاقستاندىق سپورتشىلار بىرنەشە جىلدىڭ ىشىندە جاقسى كورسەتكىشتەرگە جەتتى. وسىلايشا بيىلعى سايىستىڭ سولو اتالىمى بويىنشا جەرلەسىمىز ايگۇل بالماعامبەتوۆا التىن جۇلدە ارقالادى. سونداي-اق بايقاۋ جۇلدەگەرلەرى وڭتۇستىك كورەيادا وتەتىن ازيا پاراليمپياداسىنا جولداما الادى.
«بۇل شارا داستۇرگە اينالادى دەپ ويلايمىز. بۇل ۇلكەن جارىس ءبىزدىڭ قازاقستاندىقتاردىڭ پاراليمپياداعا ۇمتىلىسىنا ۇلكەن ۇلەس قوسۋدا. ءبىزدىڭ ويىمىزشا، ارباداعى بيگە كوپ قازاقستاندىق قىزىعادى»، - دەيدى ق ر ۇلتتىق پاراليمپيادا كوميتەتى ۇيىمداستىرۋ ءبولىمىنىڭ ساراپشىسى ەرنازار بەكسۇلتانوۆ.
