08:14, 28 - شىلدە 2014 | GMT +5
جاعاجايعا قۇلاعان ۇشاق ءبىر ادامنىڭ ءومىرىن قيىپ كەتتى
استانا. قازاقپارات - ا ق ش-تىڭ فلوريدا شتاتىندا ۆەنيس قالاسى اۋەجايى ماڭىندا ءبىر موتورلى Piper Cherokee ۇشاعى جاعاجايعا قۇلادى.
جەرگىلىكتى بيلىكتىڭ حابارلاۋىنشا، اۋە اپاتىنىڭ سالدارىنان جاعالاۋدا قىدىرىپ جۇرگەن ءبىر ادام قازا تاپتى، ونىڭ جاراقاتتانعان ون جاسار قىزى اۋرۋحاناعا جاتقىزىلدى.
دارىگەرلەر قىزدىڭ جاعدايى اسا اۋىر دەپ وتىر. اۋە كەمەسىندە بولعان ۇشقىش پەن جولاۋشى ەش زارداپ شەكپەگەن. الدىن الا بولجام بويىنشا، اپاتقا تەحنيكالىق اقاۋ سەبەپ بولعان.
