ەكى جىل بۇرىن كۇللى ادامزات تىرشىلىگىنەن ايىرىلا جازدادى

استانا. قازاقپارات - سوڭعى ەكى جىل بويى ادامزات بالاسى ەشتەڭەگە الاڭداماستان، بەيقام تىرشىلىگىن جالعاستىرۋدا.

ياعني، ولار 2012 - جىلى جەر شارى عالامدىق اپات الدىندا بولعانىن سەزىنىپ تە ۇلگەرگەن جوق، دەپ حابارلادى NASA.

مۇنداي مالىمەتكە ا ق ش-تىڭ ۇلتتىق عارىش اگەنتتىگى ەندى عانا قول جەتكىزىپ وتىر. زەرتتەۋلەر بويىنشا 2012 - جىلدىڭ 23 - شىلدەسىندە كۇندە وراسان زور جارقىل پايدا بولىپ، سوڭعى 150  جىلدا بولماعان قۋاتتى كۇن داۋىلى بايقالعان.

الايدا عالامات ساۋلە تولقىنى جەردى توڭىرەكتەپ قانا وتكەن. كولورادو ۋنيۆەرسيتەتىنىڭ عالىمدارى «ەگەر ول تىرشىلىك عالامشارىنا ءدوپ تيگەندە، ادامزات بالاسى بۇگىنگە دەيىن ۇيىندىلەردى ارشىپ بىتىرە الماس ەدى»، -  دەپ ەسەپتەيدى.

ولاردىڭ پىكىرىنشە، مۇنى سول كەزدە انىقتاعان ادامداردىڭ ەشقايسىسى دا جاريالاعىسى كەلمەدى. الايدا اگەنتتىك ماماندارى كۇن جارقىلىنا دەيىن ءبىر اپتا بۇرىن ساۋلە تولقىنىنىڭ نىسانى عالامشارعا باعىت العانىن ءبارى بىردەي بايقاپ ۇلگەرمەگەن. «ەگەر وقيعا ءبىر جۇماعا كەشىككەندە، ءبىز كۇننەن تاراعان ناعىز وتتى جولاقتىڭ استىنان بولار ەدىك»، -  دەيدى عالىمدار.

تىكەلەي كۇن جارقىلىنىڭ كۇشى سونشالىقتى، ادامزاتتى سوڭعى عاسىرداعى بارلىق جەتىستىگىنەن، ياعني قۋات كوزى، كوممۋنيكاتسيالىق جەلىلەر مەن GPS تەن لەزدە ايىرادى ەكەن. بۇعان نەبارى 10 مينۋتتىڭ ءوزى جەتكىلىكتى كورىنەدى، دەپ حابارلايدى 24.kz.