قازاقتىڭ پالۋان قىزى ازەربايجان تۋرنيرىندە «قولا» مەدال ەنشىلەدى

استانا. قازاقپارات -  قازاقستاننىڭ كۇرەستەن ايەلدەر قۇراماسى باكۋدە 25- 27 - شىلدە ارالىعىندا وتكەن «گولدەن گران-پري» ءتۋرنيرىنىڭ اقتىق سىنىندا ونەر كورسەتۋدى ءتامامدادى، دەپ حابارلايدى سپورتتىق كۇرەس پەن كۇشتىك سپورت تۇرلەرى كونفەدەراتسياسىنىڭ باسپا ءسوز قىزمەتى.

«ءبىزدىڭ كوماندا ازەربايجان استاناسىنان قولا مەدال ولجالاپ كەتىپ بارادى: جۇلدىز ءاشىموۆا (53 كەلى) ءوز جۇلدەسىن كۇرەسسىز ەنشىلەدى. قارسىلاسى جەرگىلىكتى سپورتشى پاتيمات باگومەدوۆا مۇنىڭ الدىنداعى تارتىستا جاراقات الىپ، كىشى فينالدا ونەر كورسەتۋدەن باس تارتتى»، - دەلىنگەن حابارلامادا.

قالعان قىزدارىمىز ءۇشىنشى ورىن ءۇشىن كۇرەستە جەڭىلىس تاپتى. اتاپ ايتقاندا، تاتيانا امانجول (48 كەلى) جاپون يۋكي يريەگە - 10:13، مەرۋەرت دىنبايەۆا (55 كەلى) مەن گيۋزەل مانيۋروۆا (75 كەلى) بەلارۋستىق پالۋاندار كاتەرينا گانكار (3:13) مەن ۆاسيليسا مارزاليۋكقا (3:8) جول بەردى.

اۆتور: جاسۇلان جولدىبايەۆ