استاناداعى مەشىتتەردىڭ الدىنا كيىز ۇيلەر قۇرىلىپ جاتىر

استانا. قازاقپارات - قاسيەتتى ايدىڭ قۋانىشىن سۇيىنشىلەيتىن ورازا ايت كۇندەرى ەلوردا مەشىتتەرىندە ءتۇرلى شارالار ۇيىمداستىرىلماق.

28 - شىلدە كۇنى ساعات 06:00-06:30 ارالىعىندا قاسيەتتى قۇران اياتتارى وقىلىپ، 06:30-07:00 ارالىعىندا ورازا ايتىنا ارنالعان مەرەكەلىك ۋاعىز ايتىلىپ، ايت نامازىنىڭ وقىلۋ ەرەكشەلىگى باياندالادى. ساعات 07:00 دە مەرەكەلىك ورازا ايت نامازى وقىلادى.

ەلوردالىق مۇسىلماندارعا مەرەكەلىك كوڭىل-كۇي سىيلاۋ ماقساتىندا كۇندىزگى ساعات 10:00 دەن باستاپ، باس شاھارداعى «نۇر استانا»، «ازىرەت سۇلتان» جانە «س. عىلماني» مەشىتتەرىنىڭ اۋلالارىنا كيىز ۇيلەر تىگىلىپ، مەرەكەلىك داستارحان جايىلادى، - دەپ حابارلايدى ازىرەت سۇلتان مەشىتىنىڭ باسپا ءسوز قىزمەتى.

ايتۋلى مەرەكەدە ۇلتتىق سپورتتىق ويىنداردان جارىستار وتكىزىلىپ، تەرمە-جىرلار جىرلانىپ، مادەني ءىس-شارالار ۇيىمداستىرۋ جوسپارلانۋدا. سوعان وراي، مەشىت قىزمەتكەرلەرى بارشا ەلوردالىق جۇرتشىلىقتى مەرەكەلىك ايت نامازىنا قاتىسىپ، مادەني شارالاردى تاماشالاۋعا شاقىرادى.